تخار ولایتی مرکزی شفاخانه‌سی نینگ مسوللری، ثریا ناملی عیال نینگ جسدی بو شفاخانه‌گه آلیب کیلینگنی حقیده خبر بیردیلر. 24یاشر ثریا تورموش اورتاغی نینگ اوییده اولدیریلگندن کیین جسدی شفاخانه‌گه آلیب باریلگن. حادثه سِر سقله‌نیشی اوچون ثریا اولدیریلگندن کیین جسدی دارگه تارتیلگن.
تخار خاتین – قیزلر اداره‌سی نینگ باشلیغی خانم رزم آرا حواش، ثریانینگ جسدی ایکّی آقشام آلدین ولایت شفاخانه‌سیگه آلیب باریلگن، او اوزجانیگه قصد قیلگن دیگن. خانم حواش، ثریا بدنیده کلتکلش علامتلری کورینگن لیگینی تصدیق ایتگن.
نامی فاش ایتیلمسلیک شرطی بیلن سلام‌وطندارگه صحبت بیرگن ولایت‌ده‌گی بیر منبع، واقعه سِر سقلله‌نیشی اوچون ثریانینگ خانه‌دانی اونی اولدیرگندن سونگ جسدینی دارگه تارگن بولیشلری ممکن دیدی.
ثریا عایله‌سی نینگ اعضاسی شعیب شوکت، ثریا بوندن آلدین هم نیچه مرته قیین آغه‌لری تامانیدن جانیگه قصد قیلیش اوچون مجبور ایتیلگن لیگینی ایتگن ایدی دیگن.
ثریا دایم تورموش اورتاغی اوییده قیناققه ایدی دیدی جناب شوکت. ایندی آته‌سی نینگ اوییگه آلیب کیلینیشی توغریسیده قرار آلینگن بیر پیتده او حیاتیگه نقطه قویگنی ایتیله‌دی.
