.jpg)
کابل هوا قونالغه‌سیده افغانستان بوییچه امریکا قوشمه ایالت‌لری‌نینگ خلق ارا رواجلنتیریش یاردمی‌گه گمرک باسقیچینی اوتکزیش بیرینچی واحد مرکزی آچیلدی.
آچیلیش مراسمیده نطق سوزله‌گن حکومت اجراییه باشلیغی عبدالله عبدالله، افغانستان صادراتی کوچله‌نیشی و ایچکی سرمایه یاتقزووچیلر آلقیش‌لنیشی خصوصیده، مذکور مرکزنینگ کته بیر آدیم بیلیب ایتیشیچه، خصوصی بولیم‌ده قولَی‌لیک‌لر یره‌تیش اوچون گمرک باسقیچینی اوتکزیش واحد مرکزی جوده هم اهمیت‌لی دیر.
اجراییه باشلیغی گه کوره، کابل هوا قونالغه‌سیده اوشبو واحد ایجاد ایتیلیشی کته بیر آدیم دیر و شونینگ‌دیک، مملکت اقتصادی اوستیگه ایجابی تأثیر قویه‌دی.
اجراییه باشلیغی‌نینگ کوپه‌یتیریشیچه، گمرک باسقیچینی اوتکزیش واحد مرکزی باغدارلر و ایچکی سرمایه یاتقزووچیلرنینگ وضعیتی‌گه ایرکین شکلده ایجابی تأثیر تشله‌یدی.
.jpg)
شونینگ‌دیک، مذکور واحد آچیلیش مراسمیده سوزگه چیققن افغانستان بوییچه امریکا قوشمه ایالت‌لری‌نینگ ینگی ایلچیسی جان بِس‌نینگ ایتیشیچه، گمرک باسقیچینی اوتکزیش واحد مرکزی نه فقط صادرات میزانی آشیشی‌گه سبب بوله‌دی، بلکیم افغانستاندن جهان گه ایجابی تصویر بیره‌دی. امریکا ایلچیسی گه کوره، بوندن آلدین، افغانستان تَورلری باشقه مملکت‌لرنینگ آتی گه قاچاق بولردی، بیراق حاضر بو واحد صادرات میزانی آشیشی یانیده افغانستاندن دنیاده‌گی‌لرگه ایجابی تصویر بیره‌دی.
جناب بِس‌نینگ ایتیشیچه، «کوپ مدتدن بویان دنیا خلقی افغانستاندن قیمت بها تاشلر، لذتلی میوه‌لر و چیرایلی قالین‌لر جاییده، ناتینچلیک و اوروش صورتی‌نی آله‌دیلر.»
گمرک باسقیچینی اوتکزیش واحد مرکزی ایجاد ایتیلیشی خلق ارا سوداگرلیک تشکیلاتی‌ده افغانستان‌نینگ اونملی و کلیدی عنصرلریدن بیری دیر و بو مرکز آرقه‌لی صادرات و گمرک‌لر چقانلشگن صورتده، صادر قیلووچیلرنینگ قیین‌چیلیک‌لری کمه‌ییب و صادرات قولَی‌لشی‌گه سبب بوله‌دی.
