لوگر امنیتی رسمیلری- ولایت نینگ کینگشده‌گی نماینده‌لریدن بیری اکبر استانکزینی یوزلرچه جریب دولتی ییرلرنی غصب قیلگن دیب عیبلیدی. لوگر پولیس باشلیغی داوود احمدی نینگ ایتیشیچه، بو عصب بولگن ییرلرده جناب استانکزی رهایشی اویلر توزه تماقده.
بوگون (سه‌شنبه) جناب احمدی بیر خبری انجمن آلیب، بو کینگش اعضاسینی مخدرماده‌لر قاچاق قیلیش و کرومیت‌گه هم قولی بارلیگینی بیلدیردی.
لوگر پولیس باشلیغی بو کینگش اعضاسی تامانیدن قنچه جریب ییر غصب بولگن‌لیگینی انیق معلوم قیلمه‌دی، اما ولایت عراضی اداره‌سی تامانیدن 30 مینگ جریب ییر 1046 کیشی نینگ ییر غصب قیلگن دیب اسمی‌نی رویخط‌گه بیرگن.
بو باره‌ده اکبر استانکزینی هم فکرینی آلماقچی بولدیک، اما کوپلب تلاش قیلدیک ولی اونینگ اولکه‌دن تشقریده سفر قیلگن‌لیگی باعث موفق بولمه‌دیک. عین حالده، جناب استانکزی یقین اورتاقلریدن سلام‌وطندارگه بو ادعالرنی رد قیله‌دی.
لوگر ولایتی کینگش باشلیغی حسیب‌الله استانکزی هم بو تهمت‌لرنی رد قیله‌دی و بوسوزلرنی ادعا دیب بیله‌دی.
اعتراضچی‌لر تامانیدن ولایتی کینگش ایشیگی یاپیلیشی
شو بیلن بیرگه لوگر ولایتی نینگ پل‌علم یشاوچی‌لریدن یوزلرچه‌سی غصب بولگن دولتی ییرلرده‌گی توزه‌تیلگن اویلرنی بوزیلیشی اوچون ناراض‌لیک بیلدیریب، نیچه ساعت لوگر ولایتی کینگش ایشیگینی یاپگن ایدیلر.
اولرنینگ ایتیشیچه، اوتگن کوندن باشلب بولرنینگ اولتیریش اویلرینی امنیتی کوچلر اویب تشله ماقده و حاضر هم بو ایش دوامی بار.
ولایت سوزلاوچیسی سلیم صالح نینگ سلام‌وطندارگه ایتیشیچه، جمهور رییس بویروغی نینگ 45- ماده‌سی اساسیده، غصب بولگن ییرلرده توزه‌تیلگن اویلر باید بوزیلسه. جناب صالح نینگ بیلدیریشیچه، پل‌علم تومنیده‌گی مأمورلر کارته‌سی دولت‌گه تیگیشلی بولگن، اما نیچه کیشی تامانیدن بو ییرلر غصب بولیب اولتیریش اویلر توزه‌تیلگن. اونگه کوره، ناراض‌لیک بیلدیرگنلر بو منطقه ییرلری اوچون هیچ قنده‌ی بیر حجت‌گه ایگه ایمسلر.
صالح نینگ ایتیشیچه، بو ییرلرنی غصب بولیشیگه کوپلب وکیللر، سابق جهادی قومندانلر و زوروان کیشیلر قولی بار.
ایتیلیشیچه، لوگر نماینده‌لری، پولیس باشلیغی، باشقرلاوچیلیک اداره‌سی، و ایکینچی‌لیک اداره‌سی تامانیدن بیرگه لیک کمیسیون ایجاد بولیب، غصب ایتیلگن دولتی ییرلرنی قیته تسلیم آلینیش ایشی باشلنگن.
باشقه بیرتاماندن ولایت شارواللیگی نینگ سرپرستی انجنیر منیراحمد یوسف‌زی نینگ ایتیشیچه، لوگر مرکزیده‌گی شارواللیککه تیگیشلی 720 نمره زوروانلر تاماندن غصب بولگن، اما بو ییرلرده اوی توزه‌تیب حیات کیچیره‌دیگن کیشیلر حجت‌لری بارلیگینی بیلدیره‌دی.
