افغانستان عالی تینچ لیک کینگشی نینگ باشلیغی صلاح الدین ربانی مملکت تشقی ایشلر وزیرلیگی لوازمی گه تعین لنگندن سونگ عاموی اخبارات واسطه لریده بعضی بیر کیشی لر عالی تینچ لیک کینگش اداره سی رئیسی تعین له نیشی باره سیده ایریم گزارش لر ترقه تیلماقده.
اوشبو گزارش لرده، افغانستان حکومتی تینچ لیک عالی کینگشی رهبرلیگیگه اساسی اوزگریش کیریتیشی کوتیلیشی قید ایتیلگن. ایتیلیشیچه، مذکور لوازم رئیسلیگی اوچون نظرده توتیلگن شخص لرنینگ رویخطی افغانستان جمهور رئیس لیک سراییگه جونه تیلگن. اما، مملکت عالی تینچ لیک کینگشی کاتبی امین الدین مظفری هنوز گچه بوندی بیر رویخط تیارلنگن لیگی حقیده هیچ نرسه بیلمس لیگی نی ایتگن.
شونینگ دیک مظفری کیله جک ده کیم اوشبو لوازم اوچون رئیس صفتیده تعین ایتیلیشی باره سیده، افغانستان جمهور رئیسی داکتر محمد اشرف غنی اساسی قانونگه موافق قرار آلیشی نی بیلدیرگن. بیراق، حاضر بو توغریده کیم تنشتیریلشیی اوچون افغانستان جمهور رئیسی همده اجراییه باشلیغی قرار قبول قیلیشی ایتیله دی. اوتگن کون بیرلشگن ملتلر تشکیلاتی نینگ قوراللی طالب لرنی تحریم قیلیش کمیه سی نینگ نشر قیگن گزارشیده جنگری طالب لر افغانستان دولتی نینگ سیاسی بیر مخالف گروهیدن کوره بیر جنایتچی حرکت بولگن لیگی بیلدیریلگن ایدی.
قوراللی طالب لر نا برقرالیک ایجاد قیلیش بیلن سرمایه یاتقیزده دی. انه شو سبب هم مذکور گروه افغانستان دولتی بیلن تینچ لیک مذاکره گه اولتیریشده قیزیقیش کورستمیدی. اوشبو مسله مملکت عالی تینچ لیک کینگشی نی دایم ایریم سواللر بیلن ررپه ره قیلگن. قوراللی طالب لر عالی تینچ لیک لایحه سیگه قوشیلیش نیتده بولمه گن تقدیرده، نیمه اوچون هنوزگچه میلیونلب دالر صرفله نیشی تنقیدی موضوعلردن بولیب کیلماقده؟ عالی تیچ لیک کنیگشی نینگ کاتبی امین الدین مظفری سوزلریگه قره گنده، قوراللی طالب لر اوشبو گزارش اساسیده آدم اوغیرلش و ناقانونی یوللر بیلن پول قولگه کیتریشگه عیب لنگن لر. اما، مذکور حرکت ایچیده ایریم گروه لر تینچ لیک مذاکره اوتکزیش نی خوش قرشیلیدیلرگن لر هم یوق ایمس. عین حالده، جناب مظفری ینگی دن افغانستان تشقی ایش لر وزیرلیگی اوچون تعین قیلینگن جناب صلاح الدین ربانی نینگ ایشلر کوپیگن لیگی باعث عالی تینچ لیک کینگشی ده ایش جریانی سُست کیته یاتگن لیگی باره سیده تاکیدله گن. اساسی قانونگه موافق جناب ربانی اورنیگه باشقه بیر شخص تعین ایتیلیشی درکار.
شوکبی مذکور کینگش نینگ بلند مرتبه لی اعضالریدن اسماعیل قاسمیار مذکور لوازم اوچون قندی دیر شخص نظرده توتیلگن بولیشی حقیده هیچ نرسه بیلمس لیگی نی اظهار قیلگن. اونگه کوره، بو مسله گه عاید انیق معلومات لر کیله جک لرده معلوم بوله دی.
عین حالده، سید احمد گیلانی، سید حامد گیلانی، یا انورالحق احدی لردن عبارت کیشی لر افغانستان عالی تینچ لیک کینگشی نینگ باشلیغی ایتیب تعین له نیشی کوتیله دی. اما، مذکور کینگش لوازمی اوچون کیم رئیس ایتیب تعین له نیشی اوچون قضاوت قیلیش هلی ایرته.
افغانستانده عالی تینچ لیک کینگشی تاسیس ایتیلیش بیلن اوشبو ییریک مسوولیت برهان الدین ربانی گه تاپشیریلگن ایدی، لیکن اونینگ ترور ایتیلیشی بیلن بیرگه مذکور اورینگه برهان الدین ربانی نینگ اوغلی صلاح الدین ربانی رئیس ایتیب تعین لندی.
