بوگون «چهارشنبه» کابل‌ده خبری بیر ییغین اوتکزگن «کوچی‌لرنینگ تنیق آوازیدن مدافعه قیلیش حرکت» اعضاسی خان‌محمد احمدزی‌نینگ ایتیشیچه، ایریم ولایت‌لرده اولرنینگ تنیق آوازلری بیلن تقلب قیلینگن.
اونینگ ادعا قیلیشیچه، قندهار ولایتی‌نینگ سیلاولر کمیسیونی‌ده صندوقلرده زیاده آواز توکیلگن و سیلاولر کمیسیونی‌نینگ مسؤوللری، تنیق‌سیز آوازلردن تنیق آوازلرنی اجره‌تیشی کیره‌ک.
جناب احمدزی‌نینگ ایتیشیچه، لوگر ولایتی‌نینگ 4 منطقه‌سیده سیلاو یولگه قوییلمه‌گن؛ بیراق مذکور منطقه‌لرنی صندوقلری آوازدن توله سیلاولر ایرکین کمیسیونی گه انتقال بیریلگن؛ سیلاولر کمیسیونی ایسه لوگر یشاوچیلری‌نینگ آوازلرینی قاره‌لگن، بیراق کوچی‌لرنینگ آوازلری قاره‌لنمه‌گن.
کوچی‌لرنینگ تنیق آوازلریدن مدافعه قیلیش حرکت اعضالری‌نینگ اورغولشیچه، سیلاو تقلب‌لریده قولی بولگن سیلاولر کمیسیونی‌نینگ ایشلاوچی‌لری، عدلی و قضایی اداره‌لریگه تانیشتیریلیشی کیره‌ک.
کوچی‌لرنینگ حقی‌دن مدافعه قیلووچی حرکت‌نی باشقه بیر اعضاسی عنایت‌الله سحرایی‌نینگ ایتیشیچه، ایریم منطقه‌لرده آواز بیریش مرکزی‌نینگ آوازی ایلگری سنلگن آوازلردن آرتیق دیر و بو موضوع آچیق تقلب‌نی کورسته‌دی.
جناب سحرایی گه کوره، بیر آواز بیریش مرکزنی آوازی 2585 ایدی و حاضر 4200 آوازگه آشگن.
کوچی‌لرنینگ تنیق آوازلریدن مدافعه قیلیش حرکت اعضالری، قندهار ولایتی‌نینگ سیلاولر کمیسیونی‌ده صندوقلر تولدیریلیشی‌دن شکایت قیلگن بیرچاغده، مذکور کمیسیون‌نینگ مسؤوللری، کمیسیونده صندوقلر آوازدن تولدیریلگنینی رد قیله‌دی.
