جنوبی کوریاده ایرکین تکواندو بیلشوولریده اشتراک قیلگن مملکت تکواندو تیمی، اوشبو بیلشوولرنی اداغیده 2 آلتین مدال و 2 برنز مدال قولگه کیریتگن.
اوشبو بیلشوولرده فرزاد منصوری و نثاراحمد عبدالرحیم‌زی آلتین مدال؛ رامش حسینی و محسن رضایی مذکور بیلشوولردن برنز مدال قولگه کیلتیرگن.
جنوبی کوریا ایرکین تکواندو بیلشوولری دنیا اونملی بیلشوولریدن بولیب هر ییل اوشبو مملکت گه یولگه قویله‌دی.
افغانستان ملی تکواندو تیمی اعضالریدن محسن رضایی، فرزاد منصوری، نثاراحمد عبدالرحیم‌زی، رامش حسینی، احمد بخشی و شریف مرادی لر مذکور بیلشوولرده اشتراک قیلگنلر.
مملکت تانیقلی تکواندوچیسی شریف مرادی وزنی کمه‌یگنی و فنی قیینچیلیک باعث اوشبو بیلشوولرده اشتراک قیلمه‌گن.
عبدالرحیم‌زی آلتین مدال قولگه کیلتیریش اوچون آمریکالیک، تایوان‌لیک و چین‌لیک رقیب لرینی شکست بیریب و فرزاد منصوری ایسه قزاقستان‌لیک، اوکراین‌لیک و تایلندلیک رقیب لرینی شکست بیریب آلتین مدال قولگه کیلتیرگن.
محسن رضایی و رامش حسینی هم قزاقستان‌لیک، جنوبی کوریالیک، جاپان‌لیک، اندونیزیالیک و قطر‌لیک رقیب لرینی شکست بیریب برنز مدال قول تاپگنلر.
