د باميانو ولايت د رسنيو دفتر په يوه اعلامیه کې ویلي چې د کورونا ويروس د خپرېدا د مخنيوي لپاره د ګرځندويانو پرمخ بند امير او هغه ځايونه چې خلک يې ليدلو لپاره ورځي او ګڼهګوڼه په کې جوړېږي وتړل شول.
په دې خبرپاڼه کې راغلي تر هغه چې افغانستان کې د کورونا ويروس بحران له منځه نه وي تللی، څوک نهشي کولای پارکونو او نورو تفرېحي ځايونو ته لاړ شي.
همداراز د ياد ولايت سيمهييزو چارواکيو له خلکو غوښتي چې د واده، فاتحې، ختمونو او نورو داسې مراسمو له کولو ډډه وکړي.
دا په داسې حال کې ده چې تر اوسه پورې په افغانستان کې ۹۴ کسان پر کورونا ويروس اخته شوي دي چې له دې ډلې ۳ يې جوړ شوي او ۴ يې مړه شوي دي.