افغانستان ملی کنگره حزبی رهبری، حاضرگی تیزیم باشی بیریک کوچهده ایلنیب قالگن دیب، ریاستی ینه صدارتی تیزیم هیچ بیر زمان افغانستان فایدهسیگه ایمس دیگن. اوشبو حزب نینگ رهبری، حاضرگی حکومت سیاسی، اقتصادی، حربی و خذمت کورسهتیش نقطه نظردن باشی بیرک کوچهگه کیریب قالگن دیدی.
بوگون کابلده بیر خبری انجمنده صحبت قیلگن کنگره ملی حزبی نینگ ییتکچیسی عبدالطیف پدرام، حاضرگی تیزیم ینه صدارتی تیزیم مملکت خلقی احتیاجینی بر طرف ایته آلمسلیگی اوستیده ینه بیر بار تاکید قیلگن. او، بو تیزیملرنی ناکام دیگن.
حکومت تشکیلاتی و ادارهلرینی فسادگه باتگنلیکده عیبلهگن جناب پدرام، حاضرگی تیزیمی ناکاب بولیشی نینگ بیرینچی عاملی مرکزلشگن ریاستی تیزیمدن کیلیب چیقیشینی تیلگه آلگن.
شونینگدیک کنگره ملی حزبی نینگ رهبری، افغانستان سیاسی تیزیمینی فدرالی قیلیش مقصدیده 15 ییلدن بیری حزب ایچیده و تشقریسیده کوپینچه سعی وحرکتلر آلیب باریلگن لیگیگه اشاره قیلگن.
حاضرگی تیزیم دمکوراسی ایمس لیگینی ایتگن جناب پدرام: « تیزیم و تشکیلاتی دموکراتیک بولمهگنی اوچون ایکّی ییردن فساد تکثر ایتیلهدی، بیریسی جمهور رییسلیک سرایی ایکّینچیسی ایسه صدارت یا اجراییه ریاستی دیر.»
سیاسی و خلق ارا مناسبتلر بوییچه تحلیلچی محمد عارف رحمانی، صدارتیگه کوره حاضرگی مرکزلشگن ریاستی تیزیم فایدهلی دیدی.
جناب رحمانیگه کوره، جمهور رییس صلاحیتلریگه ضد عمل قیلهدی. اونینگ ایتیشیچه، اساسی قانون نینگ معین مادهسی جمهور رییس ایشلرینی معلوم قیلگن.
سیاسی تحلیلچلرگه کوره، جمهور رییس نینگ صلاحیتی قنچهلیک قیسقرتیریلگن حالده، محلی حکومتلرنینگ صلاحیتی کوپهیهدی.