.jpg)
جنگری طالب‌لرکنر ولایتی‌نینگ ایکی تومنیده هجوم ایلتگن. کنر پولیس باشلیغی عبدالحبیب سیدخیل نینگ سلام‌وطندارگه ایتیشیچه، اوتگن کیچه ولایت سرکانی و مروری تومنلریده جنگری طالب‌لر هجوم ایلتیشی بیلن حاضرگه قدر اوروش دوامی بار و نتیجه‌ده 9 جنگری طالب هلاک و باشقه 12 کیشی یره‌لنگن.
جناب سیدخیل‌گه کوره، حاضرگه قدر اولرنینگ جسدی اوروش میدانیده قالگن. اونینگ کوپه‌یتریشیچه، طالب‌لر هجومی‌ده تینچ اهالی ضرر کورمه‌گن، فقط بیر عسکر یره‌لنگن و خلاص.
اما طالب‌لر خبرنامه ترقه‌تیب ایتیشلریچه، مذکور گروه‌گه باغلیق کوچلری کنر ولایتی‌نینگ ایریم تومنلریده هجوم ایلتیشلری بیلن افغانستان امنیتی کوچلریگه آغیر تلفات ایتکیزگنلر.
اوتگن کون طالب‌لر اعلامیه ترقه‌تیشی بیلن عمری ناملی یازلیک عملیاتلری باشله‌نیشیدن خبر بیرگن ایدی. اعلامیه‌ده طالب‌لرنینگ باشلیغی اوز فرمانیده بولگن جنگریلریگه قره‌تیب، عملیات دوامیده تینچ اهالی و عامه تأسیساتلرگه آسیب ییتکیزمسلیکلرینی بیلدیرگن، بیراق گزارشلر اساسیده، اوروش قربانلریدن کوپیسی جنگری طالب‌لرگه نسبت بیریلگن.
