کندهار دین عالملری اولکه امنیتی کوچلردن حمایت کورسه تیشلری بیلن «افغانستان دارالحرب ایمس و حاضرگی نظامگه قرشی هیچ قنده ی کوره شیش گه شرعی جوازی یوق دیگنلر».
اوتگن کون کندهار دین عالملریدن یوزلرچه سی ولایت مرکزیده بیر ییغین اوتکزیب، امنیتی کوچلردن اوز حمایتلرنی کورسه تیب، امنیتی کوچلرنی حمایت قیلیش اوچون خلقنی بیر سیس بولیب چقیردیلر.
اولرطالبلردن هم افغانستان خلقی ایسته گن نظامنی بیگانه لر اشاره سی گه بوزمسلیگینی ایسته دیلر.
کندهار عالملر کینگشی باشلیغی مولوی عبیدالله فیضانی اولتیریش باشله نیشی بیلن کندهار دین عالملری امنیتی کوچلردن جدیت بیلن حمایت قیلیشلرینی بیلدیردی.
فیضانیگه کوره، افغانستان خلقی اوچون امنیت تأمین بولیشیگه کیچه کوندوز شو امنیتی کوچلر کورشه دی و اولر بارلیگی بیلن خلق تینچلیک ده حیات کیچیریب کیلماقده. او، کندهار دین عالملری توپراغنی سقلاوچی کوچلرنی هر قنده ی تهمتلرگه باغلش اجازه سینی بیرمیمیز دیگن سوزلرینی کوپه یتیردی.
کندهار دین عالملریدن ینه بیری مولوی خواجه محمد امنیتی کوچلردن حمایتینی کورسه تیش یانیده، طالبلردن اولک ویرانلیگی اورنیده اونینگ توزه تیش اوچون بیل باغله سینلر.
او طالبلردن، جمهور رییسدن تا اینگ کیچیک مرتبه لی کیشی لر مسلمان و افغانستانلیک بولسه، مسجدلر ده ملالر و خلق بولسه، خی نیگه و کیم گه قرشی جهاد قیله سیز؟ دیب سوریدی.
شونینگدیک کندهار دین عالملر کینگشی باشقه بیر عضوی مولوی فتح محمد، دین عالملریدن جیم تورمسلیکلرینی ایسته دی و افغانستانده اوروشه دیگن گروهلردن تینچلیک خیرلیگی باره سیده و هر ییرده توکیله دیگن قان بو اولکه یشاوچیلریدن ایکنلیگی باره سیده سیسلرینی چیقاریشلرینی سوره دی.
اونگه کوره، شوحاضر دین عالملری نینگ مسؤولیتی خلقنی واقعیتلردن آگاهلنتیریش دیر. فتح محمد نینگ ایتیشیچه، موندن کوپراق جیم قالیش اوزی ایریک اوبال ایکن.
او، اگر پولیس اولدیریله دی، یا اردو اوله دی، یا طالب یره لنه دی، برچه سی افغان یشاوچیسی و دین عالملری قیله آله دی اولر اورته سیده تینچلیک کیلتیریش اوچون یخشی نقش اوینه شلری باره سیده اورغولیدی.
شونینگدیک او نگه کوره، باید طالبلرگه بیلدیریلسه باشقه لر بویروغی بیلن اوز اولکه لرینی بوزمه سینلر و ایناغه لری قانینی توکیشدن قول کوترسینلر.
اوتگن هفته هم هرات ملالری بیریوکسک ییغین اوتکزیب اولکه امنیتی کوچلریدن حمایت کورسه تیب افغانستان قوشنیلری «قوی تیری سیده کیرگن بوری» دیرلر و اورتاقلیک، تیل و فرهنگ بیرلیگیدن یمان فایده لنیب، افغانستان حکومتی و امنیتی گه کوپینچه ضرر شولرتامانیدن کیلگنلیگینی اورغوله گن ایدیلر.
هرحالده اولر قیسی بیر اولکه دن آت توتمه گن ایدلر، اما قوشنی اولکه لر استخباراتی دین دن فایده لنیب، افغانستان انسانیت دن اوزاغ بولگن ایشلرگه قول اورگن لیکلرینی بیلدیرگن ایدیلر.
کندهار دین عالملری شوپیتده امنیتی کوچلردن حمایت کورسه تیب و طالبلردن تینچلیک قیلیش باره سیده چقیره دیلرکه شو سونگی کونلرده افغانستان دولتی بیلن طالبلر ارا تینچلیک سوزله شیشلری شدت تاپگن و خلق هم تینچلیک کیلیشگه امید قیله دیلر.