افغانستان بوییچه تورتینچی دور جمهمورلیک ریاست سیلاوی نینگ آواز بیریش جریانی، بوگون «شنبه، 6- میزان» ایرته‌لب ساعت 7 دن رسمی شکلده باشلندی.
عین دمده، سیلاو ایرکین کمیسیونی نینگ مسؤوللری، جمهورلیک ریاست سیلاوی شفاف شکلده یولگه قوییلگنی اوستیگه تأکیدلگن، بیراق سلام‌وطندار میدیا ترماغی نینگ ولایت‌لرده بولگن خبرچی‌لری آواز بیریش مرکزلردن بیرقطاریده ساخته‌کارلیک یوز بیرگنیدن گزارش بیریشگن.
پروان ولایتیده سلام‌وطندار خبرچیسی احمدسیر معرفت نینگ ایتیشیچه، درۀ پارسا منطقه‌سیده اوچ آواز بیریش مرکز موجود و بو مرکزلرده ناقانونی قوراللی کیشی‌لر جایلشگن.
جناب معرفت گه کوره، بو کیشی‌لر خاص نامزدلرنینگ نفعی گه کمپاین قیلیب و آواز بیرووچیلرنی خاص بیر نامزگه آواز بیریش خصوصیده، مجبورلگن.
بامیان ولایتیده سلام‌وطندار خبرچیسی نجمه زاهدی نینگ ایتیشیچه، آواز بیریش جریانیده سیلاو کمیسیونی نینگ ایشلاوچیلری دخالت قیلیشگن.
خانم زاهدی نینگ ایتیشیچه، سیلاو کمیسیونی نینگ ایشلاوچیلریدن بیرقطاری، اوزلری ایسته‌گن نامزگه اشاره قیلیب و آواز بیرووچیلرنی اونگه آواز بیریشلری خصوصیده ترغیب ایتیشگن.
خانم زاهدی نینگ کوپه‌یتیریشیچه، آواز بیرووچیلردن بیرقطاری، برماقلرینی رنگ قیلمه‌گن و کمیسیون نینگ ایشلاوچیلریگه برماقلرینی رنگ قیلیش گه رخصت بیرمه‌گن.
غور ولایتیده سلام‌وطندار خبرچیسی نینگ ایتیشیچه، فیروزکوه شهری، تیره تیمور تومنیده بیر آواز بیریش مرکزده ناقانونی قوراللی کیشی‌لر بوتون نظارتچی‌لرنی آواز بیریش محل‌لردن چیقارگن و صندوقلرنی اوزلری ایسته‌گن نامزد نفعی گه تولدیریب و سیلاو شکایت‌لری نینگ ورقلرینی ییرتیشگن.
بدخشانده سلام‌وطندار خبرچیسی سمیع‌الله سیحون نینگ ایتیشیچه، اشکاشم تومنیده آواز بیریش مرکزلردن بیرقطاریده دولت قورووچی تیمی نینگ نظارتچی‌لری خاص کتابچه‌لردن فایده‌لنگن و بو کتابچه‌لرده اشرف غنی نینگ صورتی، آواز بیریش رقمی و سیلاو بیلگیسی چاپ ایتیلگن.
سلام‌وطندار خبرچی‌لریدن باشقه بیری مقبول نوری نینگ ایتیشیچه، پروان ولایتی نینگ محلی رسمی‌لریدن بیرقطاری تامانیدن کلتک‌لنگن.
جناب نوری گه کوره، جبل‌السراج تومنی نینگ محلی رسمی‌لریدن بیری، آواز بیریش مرکزلردن بیری گه کیریب و مرکزدن کوریب چیققن و عین دمده، بو ایش سیلاو کمیسیونی نینگ قانونی گه قرشی دیر.
جناب نوری نینگ ایتیشیچه، مذکور کیشی دن صورت و ویدیو آله‌دیگن بیرچاغده، کلتک‌لنگن.
بیراق، سیلاو ایرکین کمیسیونی نینگ سوزلاوچیسی میرزامحمد حق‌پرست نینگ ایتیشیچه، سیلاو کمیسیونی نینگ ایشلاوچیلریدن هیچ بیری نینگ سیلاو جریانیده دخالت قیلیش گه حقی یوق دیر.
عین دمده، سیلاو ایرکین کمیسیونی نینگ قانونی اساسیده، سیلاو کونیده نامزدلرنینگ صورتی آواز بیریش مرکزلری نینگ 200 مترلیگی ده یاپیشتیریلمه‌سی کیره‌ک، بیراق اجتماعی ترماقلرده ترقه‌تیلگن صورتلرگه کوره، کابل شهریده آواز بیریش محل‌لردن بیریده جمهورلیک ریاست سیلاوی نینگ نامزدلریدن بیری اشرف غنی نینگ کته بیر صورتی یاپیشتیریلگن.
جمهورلیک ریاست سیلاوی نینگ نامزدلری جمهور رئیس محمداشرف غنی و اجراییه باشلغیی عبدالله عبدالله، سوزلری جریانیده سیلاو جریانی شفافیتی اوستیگه تأکیدلشیب و ملی و خلق ارا نظارتچی‌لردن بو جریان‌نی یخشی بیر شکلده نظارت قیلیش‌لرینی سوره‌شگن.
سیلاو ایرکین کمیسیونی نینگ ایتیشیچه، اوشبو سیلاوده 260 ملی و خلق ارا اداره گه ایشانچ‌نامه صادر قیلگن و شونینگدیک، باشقه 144 مینگ و 146 ملی گواه و نظارتچی گه نظارت کارتی بیرگن.
شو توغریده…
اشرف غنی و عبدالله عبدالله آواز بیریشدی
