افغانستانده کرونا ویروسی‌گه چلینگن‌لرنینگ سانی کوپه‌یگنیدن سونگ، دنیا بانکی کرونا ویروسی‌گه قرشی کوره‌شیش اوچون 1004 میلیون دالر یاردم بیریش‌نی تصویب قیلگن.
بوگون "جمعه" دنیا بانکی تامانیدن نشر قیلینگن خبرنامه‌ده ایتیلیشیچه، مذکور پول افغانستان 34 ولایتیده ساغلیک سیستم‌نی کوچلی قیلیش و کرونا ویروسی‌گه قرشی کوره‌شیش خصوصیده هزینه ایتیله‌دی.
خبرنامه‌ده ایتیلیشیچه، مذکور مالی یاردم کرونا ویروسی‌گه چلینگن‌لرگه ساغلیک خذمت‌لر ارایه قیلیش، ساغلیک ایشلاوچی‌لر، داکترلر، کسلخانه‌لر و ساغلیک نهادلردن حمایت قیلیش مقصد ده صورت تاپگن.
خبرنامه‌ده کوپه‌یتیریلیشیچه، اوشبو یاردم‌لردن 19.4 میلیون دالری کرونا ویروسی‌گه قرشی کوره‌شیش اوچون دنیا بانکی نینگ اضطراری یادم‌لری تامانیدن صورت تاپگن و 81 میلیون دالری ایسه کم‌بغل مملکت‌لر اوچون دنیا بانکی نینگ رواجلنتیریش اداره‌سی تامانیدن بیریله‌دی.
اوشبو پروژه چیت‌ایللیک و غیر دولتی نهادلرنینگ حمایتی آرقه‌لی، ساغلیق‌نی سقلش وزیرلیگی تامانیدن عملگه آشیریله‌دی.
دنیا بانکی مسوول‌لریدن بیری هنری کرالی نینگ ایتیشیچه: «دنیا بانکی یمان شرایط ده افغانستان دولتی و اهالی‌سیدن حمایت قیلیش‌گه تعهدلی دیر و کرونا ویروسی‌گه قرشی کوره‌شیش اوچون هرقنده‌ی سعی و حرکت‌دن حمایت قیله‌دی.»
حاضرگه‌قدر افغانستان یشاوچی‌لریدن 273 ته‌سی کرونا ویروسی‌گه چلینگن و بوجمله‌دن 6 ته‌سی جان بیریب و باشقه 10 ته‌سی درمانلنگن دیر.
