ویست اندیز میزبانلیگی‌ده کربین تجاری کریکت 20 آورلیک اویین‌لری ایرته (پنج شنبه) باشله‌نیشی کوتیله‌دی.
اوشبو بیلشوونینگ رسمی صحیفه‌سیگه یازیلیشیچه، کریکت‌نینگ تانیقلی اویینچی‌لری جمله‌دن شین واتسن، هاشم املا، شعیب ملک، کمار سنگاکارا، مایلک هسی، دیل ستین، بریندن مکولم، دیوید‌میلر و ای بی دی ویلیرز مذکور بیلشووده اشتراک قیلیش اوچون ویست اندیز بارگن‌لر.
کریکت 20 آورلیک رقابت‌لری‌نینگ بیرینچی اویینی ایرته افغانستان وقتی بیلن ساعت بیش یریم ده باشله‌نیشی ریجه لنتیریلگن. ترینیداد و توباگو تیمیلری لوسیا سنتی تیمی بیلن اوینه‌شی کوتیله‌دی.
مذکور رقابت‌لرده ترینیداد و توباگو ملی کیریکت تیمی اوز قهرمانلیگی‌نی سنت لوسیا برابریده مدافعه قیله‌دیلر.
کربین 20 آورلیک بارزگانی کریکت رقابت‌لری بیرینچی مرته میلادی 2013- ییلده باشلنگن ایدی؛ اوشبو مسابقه هر ییلی ویست اندیزده اوتکزیله‌دی.
