.JPG)
افغانستان‌نینگ مینگ‌لرچه یشاوچی‌لریدن بیری الله‌محمد کاکر، سونگی ییل‌لرده تینچ بیر تیریکچیلیک قوریب و یخشی‌لیک‌ده حیات کیچیریش اوچون اروپا ییتیب بارگن ایکن. او، ایکی ییل‌نی آلمان‌ده اوتکزگن؛ بیراق حاضر اوز مملکتی‌گه قیتگن.
کاکرنینگ اجتماعی و سیاسی بیلیم بولیم‌لریدن ایکی لیسانسه حجتی بار. ماسترلیگی‌نی اقتصاد بولیمی‌دن آلگن و حاضر دُکترا اوقیدی.
کاکرنینگ ایتیشیچه، آلمان تشقی ایشلر وزیرلیگی‌نینگ پست‌لریدن بیری‌ده ایش‌گه اوتیش اوچون دایما مذکور وزیرلیک‌که باریب کیلر ایکن، کونلردن بیر کون کوزی وزیرلیک‌نی ایچکی دیوارلریگه اِیلینگن صورت‌لرگه توشه‌دی و فکری بوتونله‌ی اوزگره‌دی.
مذکور صورت‌لر اوروش‌دن زیان کورگن اروپا بیلن حاضرگی اروپانی صورت‌گه چیقارگن ایکن. کاکرنینگ ایتیشیچه، صورت‌لرنی کورگنی‌دن کیین، افسوس‌لنیب کوزیدن یاش آقگن.
بیرینچی صورت اوروش‌دن زیان کوریب، توپراققه یکسان بولیب و بیر ویرانه‌گه اَیلنگن اروپانی کورسته‌دی؛ بیراق ایکینچی صورت کاکرنینگ نظری‌ده ییر اوستیگه قوریلگن جنت‌نی کورسته‌دی. آلمان تشقی ایشلر وزیرلیگی‌نینگ ایشچی‌لریدن بیری کاکرنینگ ییغله‌گنینی کوریب و اونگه خلق ارا ایکینچی اوروشی‌دن کیین، آلمان‌لیک‌لر قنده‌ی بیر شکلده ویرانه‌گه اَیلنگن مملکت‌نی اروپاده اقتصادی لحاظ‌دن ایکینچی کوچلی مملکت‌گه اوزگرتیریشی و اوروش‌دن زیان کورگن خلق‌نی آیاق اوستیگه توخته‌گنی توغری‌سیده معلومات بیره‌دی.
.jpg)
کاکرنینگ ایتیشیچه، آلمان تشقی ایشلر وزیرلیگی‌گه باریشی‌دن آلدین، نیچه مرته «هر ییر آدم‌نینگ اوزینی اویی بولمه‌یدی» دیگن آته‌لر سوزی توغری‌سیده اویله‌گن. اروپادن بولگن اچیق ایستده‌لیگی توغری‌سیده اونینگ ایتیشیچه، اروپالیک‌لر اوز حرکتی بیلن شرقی‌لیک‌لرگه بو ییر سیزلرنینگ توپراقلرینگیز ایمس و سیزلر بو ییرده مهمان دیگن‌لر.
بیراق، کارکر اوروش‌دن زیان کورگن اروپانینگ صورت‌لرینی کوریب مملکت‌گه قیتیش اوچون قطعی قرار قیلگن. اونینگ ایتیشیچه، افغانستان‌ده یخشی بیر تیریکچیلیک‌نی تجربه قیلیش اوچون قیتمه‌گن، بلکیم جان و دل‌دن مملکتی‌گه ایشلب؛ کیله‌جک واقعه‌لرنی تجربه قیلیب و اروش‌دن زیان کورگن افغانستان بیلن اوروش‌دن کیین بولگن افغانستان‌نینگ صورت‌لرینی کوریب کوزلریدن یاش آقیشی‌نی ایسته‌یدی.
کاکر، حاضر 100 دن آرتیق کابل‌لیک یاشلرگه ایش زمینه‌سی یره‌تگن؛ اولر پیاله‌لر یوزی‌گه تینچلیک و دوست‌لیک پیامی‌نی صورت‌گه چیقاریب خلق‌گه ییتکیزه‌دی و بو پیاله‌لرنی ساتیب پول قولگه کیریته‌دیلر.
اوشبو تحصیل کورگن و تشبثلی یاش ییگیت‌نینگ ایشانچی‌گه کوره، افغانستان هم آز انشاعات و دستلبکی نرسه‌لر بیلن مملکت کیله‌جکی و خلقی اوچون ایش قیلیب و اوز دَین‌نی عمل‌گه آشیره‌آله‌دی.
