افغانستان کان‌لر وزیری‌نینگ حکومت‌نی آگاه لنتیریشیچه، کان‌لرگه اعتبار قیلینمه‌گن صورتده، مملکت اقتصادی تیزلیک‌ده قیین چیلیککه روپه‌ره بوله‌دی.
مملکت کان‌لر وزیری داوودشاه صبا، اوشبو سوزلرنی دوشنبه کونی 18- جوزا نماینده‌لر مجلسی‌ده ایتکن.
جناب صبا، دوشنبه کونی نماینده‌لر مجلسی‌ده کان‌لر قانونی‌ده‌گی موجود قیین چیلیک‌لر و ناتینچ‌لیک‌لر کوپه‌ییشینی مذکور وزیرلیک برابریده کتته قیین چیلیک دیگن.
اوشبو وزیر، مملکت‌نینگ کان‌لر قانونی‌ده‌گی موجود قیین چیلیک‌لر توغری‌سیده ایتیشیچه، مذکور قانون‌ده شرکت تامانیدن پروژه کیفیت‌سیزلیگی و ایش یکونلنگه صورتده، حکومت تامانیدن شرط نامه توخته تیلیشی توغری‌سیده هیچ بیر شرط یوق دیر.
او، عصیانچی گروه‌لر اینیقسه داعش گروه‌‌نی جدی تهدید بیلیب ایتیشیچه، مذکور گروه‌لر مملکت‌نینگ اقصادی منبع‌لریگه جدی خطر سنله‌دی.
جناب صبا، کان‌لرنی ناقانونی شکل‌ده ایشلب چیقاریلیشی‌نی مملکت‌نینگ اقتصادی منبع‌لری اوچون جدی تهدید دیب بیله‌دی. اونینگ ایتیشیچه، حاضرگه قدر کوپینچه کان‌لر ناقانونی قوراللی کیشی‌لر آرقه‌لی ایشلب چیقاریله‌دی و چیت ایل مملکت‌لرگه قاچاق بوله‌دی.
مملکت کان‌لر وزیری نینگ لاجورد کانلری توغری‌سیده ایتیشیچه، دولتی و خصوصی قوشمه شرکت ایجاد ایتیب و مملکت ایچی‌ده بو تاش‌لرنی تیارلشی‌گه سعی و حرکت قیله‌دی.
شونینگ‌دیک نماینده‌لر مجلس باشلیغی عبدالرووف ابراهیمی، بو سوزلرگه قوشیمچه مذکور وزیرلیک نینگ قراردادلریده‌گی قیین چیلیک‌لر حل ایتیلیشی اوچون تیگیشلی کمیسیون‌گه بیر لایحه توزه‌تیشی گه بویروغ بیردی.
شونینگ‌دیک اوتکن هفته افغانستان کان‌لر وزیری مجلس نماینده‌لری‌نینگ سوراق‌لریگه جواب بیریش اوچون مجلس‌گه چقیریلگن ایدی.
