مملکت‌ده میلیونلرچه کاندوم ترقه‌تیله‌دی، قیمتی اوجوز و نتیجه‌لی بولگنی باعث، عیاللر ایسته‌مس‌دن حامله بولیش آلدینی آلیش اوچون کوپلب فایده‌لنه‌دی. ایتیلیشیچه، افغانستان توغریق پیتیده آنه‌لر و باله‌لر اولیمی میزانی یوقاری بولگن مملکت‌لردن بیری سنله‌دی. بیریلگن رقم‌لر اساسیده، هر 100 مینگ آنه دن 1200 آنه توغه‌دیگن پیت‌لریده جان بیره‌دیلر. شونینگ‌دیک، هر 25 چقه‌لاقدن بیری جان بیره‌دی؛ چونکه باله دنیاگه کیلتیریش زمانی جوده هم یقین دیر و اقتصاد و مدنی قیین‌چیلیک‌لر باعث، آلدینی آلیش شیوه‌لر آز فایده‌لنه‌دی.
بلخ ولایتیده 11 فرزندی بولگن ایکینچی عنایت‌نینگ ایتیشیچه، امکانیت یوقلیگی سبب، فرزندلریدن 4 ته‌سی باله‌لیک دورانیده جان بیرگن‌لر. اونگه کوره، اوتمیش‌لرده یشاوچیلرنینگ بیلگیسی آز بولیب و کاندوم دن فایده‌لنیش شیوه‌لر رواجلنگن ایمس ایدی. شو یوزه‌دن اولر حامله‌لیک آلدینی آله آلمه‌گن.
ساغلیق‌نی سقلش وزیرلیگی، باله‌لردن 70% نینگ اولیمی‌نی وقتی تولمس‌دن توغیش و توغریق پیتیده‌گی اویغونسیزلیک دیب بیله‌دی.
مملکت‌نینگ 34 ولایتیده ساغلیق‌نی سقلش وزیرلیگی تامانیدن عمل‌گه آشیریلگن تیکشیروو نتیجه‌سیگه کوره، توغیش پیت‌لری یقین بولگنی گه قوشیمچه، مملکت‌نینگ اوزاق منطقه‌لریده کسلخانه یوقلیگی، قابلیت‌لی همشیره‌لر یوقلیگی، حمل و نقل قیین‌چیلیک‌لری و عایله‌لرنینگ ناتوغری قرارلری آنه‌لر و باله‌لرنینگ اولیمی گه سبب بوله‌دی.
ساغلیق‌نی سقلش وزیرلیگی، عایله‌لرگه مصلحت بیریب و ساغلیک خذمت‌لرینی ارایه قیلیب توغیلیش‌لر آره‌سیده آلیس‌لیک ایجاد قیلیش خصوصیده، سعی و حرکت قیله‌دی. اوشبو وزیرلیک، ایسته‌مس دن حامله بولیش آلدی آلینیشی اوچون باشقه شیوه‌لر یانیده بوتون مملکت‌ده میلیونلرچه کاندوم ترقتگن.
بلخ ولایتیده عایله فراوانلیگی مرکزیده عایله ریجه‌لشتیریش مصلحتچی‌لردن بیری زلیخانینگ ایتیشیچه، اوشبو مرکز آیی‌ده ساغلیق‌نی سقلش مرکزلری آرقه‌لی اهالی گه 6 مینگ کاندوم ترقته‌دی. اونگه کوره، بو شیوه عیاللرنینگ آره‌سیده کوپلب رواجلنگن.
بلخ ولایتیده حیات ناملی ساغلیق‌نی سقلش فن‌لر مؤسسه‌سی‌نینگ همشیره‌لیک بولیمی آمری اورانوس برنانینگ ایتیشیچه، آنه‌لر و باله‌لرنینگ اولیمی آلدی آلینیشی اوچون اساسی یوللردن بیری قابلیت‌لی همشیره‌لر تربیه‌لش دیر. اونگه کوره، مذکور مؤسسه‌سی‌نینگ اساسی مقصدی، عایله ریجه‌لشتیریش و مناسب شکلده ساغلیق خذمت‌لرینی ارایه ایتیش‌ده همشیره‌لرنی تربیه‌لش دیر.
عین حالده، ساغلیق‌نی سقلش وزیرلیگی‌نینگ معلوم قیلیشیچه، یخشی بیر شکلده ساغلیق خذمت‌لری ارایه ایتیلیشی‌ده بوتون مملکت‌ده 11 مینگ همشیره لازم؛ بیراق حاضر بوتون مملکت‌ده ساغلیق‌نی سقلش مرکزلریده 6 مینگ همشیره فعالیت قیله‌دی و ساغلیق‌نی سقلش مرکزلریده باشقه 5 مینگ همشیره تعیین ایتیلیشی کیره‌ک.
ساغلیق‌نی سقلش وزیرلیگی‌نینگ مسؤولری، کاندوم ترقه‌تیلیشی نتیجه‌سیده، مناسب شکلده ساغلیق خذمت‌لری ارایه ایتیلیشی، اهالی‌نی آگاه‌لنتیریش، توغیش‌لر آره‌سیده آلیس‌لیک کوپه‌ییشی و آنه‌لر بیلن باله‌لرنینگ اولیمی میزانی کمه‌ییشی توغریسیده امید بیلدیره‌دیلر.