کاسا بیرمینگ (مرکزی آسیادن جنوبی آسیاگه برق اوتکزیش لایحه‌نی) عمل‌گه آشیریش باسقیچی، بوگون تاجیکستان جمهوریتی‌ده باشلندی.
تاجیکستان‌نی تورسونزاده شهریده یولگه قوییلگن مراسم‌ده عبدالله عبدالله‌نینگ ایتیشیچه، منطقه خلق ارا تروریست‌لری‌گه دوچار بولگن، بیراق اعضا مملکت‌لر، کته اقتصادی لایحه‌لرده یخشی ریجه‌لرنی عمل‌گه آشیریش خصوصیده، یخشی کوچ‌گه ایگه بولگن‌لر.
اوشبو مراسم‌ده تاجیکستان جمهور رییسی امام‌علی رحمان، قرقیزستان جمهورلیگی باش وزیری سورون بای‌جین بکوف و پاکستان باش وزیری نواز شریف اشتراک ایتگن‌لر.
اوشبو لایحه چمه‌سی 1.17 میلیارد دالر خرجت کوتره‌دی و بو جمله‌دن 526 میلیون دالری خلق ارا بانکی تامانیدن تول‌لنه‌دی.
شونینگ‌دیک، اوشبو ییغینده افغانستان اجراییه رییسی‌نینگ ایتیشیچه، مذکور کته اقتصادی لایحه دنیاگه جدی و ایجابی پیام بیره‌دی. عبدالله‌نینگ ایتیشیچه، اوشبو ریجه عمل‌گه آشیریلیشی انچه وقت آلدین، یالغیز بیر آرزو ایدی، بیراق کوچلی اراده، اویغون قرار و اویغون تیل سبب، بو آروز عمل‌گه آشیریله‌دی. جناب عبدالله‌گه کوره، کاسا بیرمینگ خلق ارا، اسلامی ترقیات بانک‌لر و یاردم بیرووچی اداره‌لر جمله‌دن «EBRD»، «USAID» و «UK/DFID» یاردم‌لری اساسیده عمل‌گه آشیریله‌دی.
اجراییه باشلیغی‌نینگ ایتیشیچه، افغانستان‌نی منطقه‌یی سیاستی مملکت‌لر اورته‌سیده‌گی همکارلیک‌لرنی محاسبه قیلیب و اوز اورنی‌نی اورته آسیا بیلن جنوبی آسیا و اورته شرق بیلن شرقی آسیانی باغله‌یدیگن کوپریک شکلده اثباتله‌گن و حاضرگه‌قدر اقتصادی اویغونلیک‌نی منطقه‌ده رواجلنتیریش اوچون سعی و حرکت قیلیب کیلماقده. اونینگ ایتیشیچه، منطقه‌یی اداره‌لر کته ریجه‌لرنی باشقریش‌گه قادر بولگن و ینگی اقتصادی اویغونلیک‌نی منطقه و دنیاگه تعریف قیله‌دی.
شونینگ‌دیک، اجراییه باشلیغی‌نینگ کوپه‌یتیریشیچه، منطقه‌دن تشقری مملکت‌لرنینگ حمایتی‌نی جلب ایتیش، منطقه مملکت‌لری باغله‌نیشی اوچون مرکز بولیش و منطقه‌ده سوداگرلیک قتناو یول‌لر و باردی و کیلدی یول‌لر مکانی صفتیده، افغانستان اورنی‌نی اثباتله‌ش حکومت‌نی بیرینچی ایشلریدن بولگن.
جناب عبدالله، کاسا بیرمینگ لایحه‌گه سهم‌دار مملکت‌لردن، اوشوب لایحه عمل‌گه آشیریلیش امنیتی تأمین ایتیلیشی خصوصیده، افغانستان حکومتی‌گه یاردم بیریش‌لرینی سوره‌دی.
اجراییه ریاستی سوزلاوچیسی اورین باسری جاوید فیصل‌نینگ سلام‌وطندارگه ایتیشیچه، اوشبو ریحه افغانستان‌ده 6 ولایت، 23 تومن و 600 منطقه‌دن اوته‌دی.
جناب فیصل‌نینگ ایتیشیچه، افغانستان ییل‌ده اوشبو لایحه‌دن 45 میلیون دالر قولگه کیریته‌دی و اوشبو ریجه میلادی 2018- ییل اداغی‌گچه یکونلنیشی‌گه قرار قیلینگن.
«کاسا بیرمینگ» لایحه میلادی 2006- ییل ارایه ایتیلدی و منطقه‌ده اینگ اونملی لایحه‌لردن بیری سنله‌دی، اونگه اساس، 1300 میگاوات برق قرقیزستان و تاجیکستان‌دن افغانستان و پاکستان‌گه اوتکزیلیشی ممکن.
افغانستان ترانزیتی حقی‌دن باشقه، اوشبو لایحه‌دن 300 میگاوات برق ساتیب آلیب بیله‌دی و باشقه 1000 میگاوات برق پاکستان‌گه ییتکیزیله‌دی.
