د کابل ښاروالي په پام کې لري، چې د کابل ښاروالي چارواکیو نن یکشنبې د (جنورۍ پر ۲۲مه) کابل کې له «مهیو انیمل هوم» شرکت سره د کوڅه ډبه سپیو زیاتېدو مخنیوي په موخه تړون لاسلیک او زیاته یې کړه، چې په راتلونکیو ۳ کلونو کې به د ښار د تنظیف ټولې چارې خصوصي سکتور ته وسپاري.
په دې اړه جوړو شویو مراسمو کې د کابل ځایناستي ښاروال عبد الله حبیبزي وویل،
تر اوسه کابل ښاروالي دومره ظرفیت نه لري، چې د ټول ښار چټلي پاکه کړي؛ ځکه خو د خصوصي سکتور همکارۍ ته اړتیا لري.
حبیبزي زیاته کړه، په لومړي سر کې په ازمایښتي ډول د کابل ښار پنځو ناحیو د تنظیف چارې خصوصي سکتور ته سپارل کیږي، دوی به یوازې د پالیسۍ جوړولو چارې پر مخ وړي؛ خو د څار او تعقیب چارې به د ښاریانو پر غاړه وي.
د کابل ځایناستي ښاروال عبدالله حبیبزي دا هم زیاته کړه، چې په اداره کې د زوړ سیتم کارېدل، د تنظیف زاړه کارکوونکي، فساد او دې ته ورته نورو ستونزو د دوی د ښه کار مخه نیولې ده.
حبیبزي همدارنګه وویل، چې د «یو اېن هبیتات» موسېسې په مرسته به د کابل سیند له یکپیسهګي پله تر باغ عمومي پله پورې پاک کړي او د ساتلو په پار به یې پولیس وګوماري.
کابل ښاروالي د کوڅه ډبه سپیو شمېر د زیاتوالي د مخنیوي په موخه له «میهو انیمل هو» شرکت سره یو تړون لاسلیک کړ، چې پر بنسټ به یې خلکو ته د عامه پوهاوي د ورکړې ترڅنګ، سپيو ته د لېوني سپي واکسین ورکوي او د کوڅه ډبه سپیو د نسل د زیاتوالي مخنیوی به کوي.
