.jpg)
کابل شهریده پولیس و ترافیک پولیسی تامانیدن رشوت آلیش عادی بولگن.
کابل شهریدهگی هیداوچیلر، قول اوستیده ساتووچیلر و شهر بوییده خذمت قیلووچی باشقه کیشیلر، قانونی جریمهلردن قاچیش و ایریم پیتلر فعالیت قیلیش گه رخصت آلیش اوچون پولیس و ترافیک پولیسی گه آچیق شکلده رشوت بیرهدیلر.
تاکسی و لینی موترلرنی هیداوچیلریدن بیرقطاری، کابل شهری نینگ پولیسی و ترافیک پولیسی تامانیدن آچیق شکلده باج آلیشیدن تنقید قیلیب ایتیشیچه، شهردهگی ترافیک پولیسلریدن بیرقطاری، هر هفته شهرده فعالیت قیلهدیگن یوللاوچی تاشووچی موترلرنی هیداوچیلریدن 500 دن 1000 افغانی گچه پول آلهدیلر.
اولرگه کوره، تاکسی هیداوچیلریدن بیرقطاری هم ترافیک پولیسی گه 50 دن 100 افغانی گچه نقد پول بیریب قانونی جریمهلردن قاچهدیلر.
کابل ترافیک مدیری خانمحمد شینواری نینگ ایتیشیچه، جریمه ورقی پولیدن باشقه کابل ترافیک پولیسی تامانیدن آلینهدیگن باشقه هرقندهی پول ناقانونی دیر.
اونگه کوره، ترافیک پولیسی تامانیدن ناقانونی پول آلینگن صورتده، هیداوچیلر دلیل و حجت بیلن کشفی و استخباراتی بولیملرگه شکایت قیلسینلر.
آچیق رشوت آلیش تأثیرلری بوییچه جامعهشناس ژولیا میرزایی نینگ ایتیشیچه، آچیق شکلده رشوت آلیش جامعهنی خطرگه روپهره قیلهدی.
اونگه کوره، بوندهی رشوت آلیشلر جامعهده تیزیمسیزلیک، عدالتسیزلیک و بیر-بیراونی برابریده حرمت سیزلیککه سبب بولهدی.
کابل شهری بوییچه ترافیک پولیسلریگه مراجعت قیلیب و بو توغریده اولرنینگ فکرلرینی آلیش گه مؤفق بولمهدیک.
افغانستانده تورلی موضوعلر خصوصیده فساد موجودلیگی ینگی موضوع ایمس؛ بیراق یشاوچیلر اوچون خواطر توغدیرهدیگن موضوع عادی بولیشی دیر.