دولت باشقرهلاوچیلیک مسووللری، کابل شهردارلیک ادارهسینینگ 110 ملازمی قانوننی ایاغ آستی قیلگنلیگی باعث مملکتدن چیقیشلرینی منع ایتدی.
بو ادارهنینگ سوزلاوچیسی عبدالبصیر عزیزینینگ بوگون (دوشنبه) فسادگه قرشی کورهش نینگ عدلی وقضایی مرکزی نینگ بیرینچی ییغینیده سوزلب، اوشبو شخصلرنینگ دوسیهسی تیکشیریلیشگه آلگن لیگینی ایتگنن.
جناب عزیزی، مذکور شخصلرنینگ عیبی اثبات لنگن حالده، بولرنینگ کیملیگی اخبارات واسطهلریگه ایتیلهدی دیدی.
عین حالده، میدان وردک پولیس قوماندانی خلیل اندرابینینگ مملکتدن چیققن لیگی توغریسیدهگی گزارش لرنی رد قیلگن جناب عزیزی، او تیکشیرو آستیده بولگن لیگینی معلوم قیلگن.
بوندن آلدین بعضی اخبارات واسطهلری خلیل اندرابی مملکتدن چیققن لیگینی بیلدیرگن ایدی. لیکن، او، طالبلرگه همکارلیک قیلگنلیک عیبی بیلن حبسگه آلینگن.
شونینگدیک مملکت باشقرهلاوچیلیک ادارهسینینگ سوزلاوچیسی، فسادگه قرشی کورهش عدلی و قضایی مرکزینینگ اداری ایشلری یکونلهنیش بیلن اوز فعالیتیگه باشلیدی دیگن.
فسادگه قرشی کورهش عدلی و قضایی مرکزی قضا، باشقرهلاوچیلیک و ایچکی ایشلر وزیرلیگیدن تشکیل بولگن. حکومت نینگ اوشبو اوچ ادارهسی هماهنگلیک بیلن فساد آلدی آلینیشی اوچون ایش قیلهدیلر.