یشش محیط نی سقلش اداره، عامه ساغلیک وزیرلیگی و جمهورلیک ریاستی نینگ استراتژیک و عامه علاقه‌لر اداره‌سی مسئوللری، هوا دغل‌لیگی ضرری آلدینی آلیش اوچون کابل شهریده ماسک‌دن قوللنیش کمپاین یولگه قویگنلر.
عامه ساغلیک وزیرلیگی سوزلاوچیسی نظام‌الدین جلیل نینگ ایتیشیچه، اوتگن بیر هفته‌ده مذکور وزیرلیک نینگ 17 کسلخانه‌سیده، هوا دغل‌لیگی باعث تنفسی کسللیکلرگه چالینگن 8800 دن آرتیق حادثه قید ایتیلگن و مذکور کسل‌لیک باعث 17 کیشی جان بیرگن.
شو توغریده:
- افغانستانده هوا دغل‌لیگی اوروشدن آرتیق اولیم‌گه سبب بوله‌دی
باشکینت هواسی‌نینگ دغل‌لیگی؛ دود چیقره‌دیگن یوزلرچه موتر توخته‌تیلگن
هوا دغل‌لیگی باعث، بیر شهرده 56 مینگ باله کسل بولگن
یشش محیط نی سقله‌ش ریاست باشلیغی شاه‌زمان میوندی نینگ ایتیشیچه، بو اداره مسئوللری عامه ساغلیک وزیرلیگی و کابل بلدیه‌سی همکارلیگی بیلن هوا دغل‌لیگی باعث اورته گه چیققن کسل‌لیکلر کمه‌یشی اوچون، ماسک‌دن قوللنیش 15 کون‌لیک کمپاین یولگه قویگنلر.
جناب میوندی گه کوره، اوشبو اداره‌لر بیرینچی آدیم ده کابل یشاوچی‌لریگه 200 مینگ ماسک ترقه‌تیشی ممکن.
کابل بلدیه معینی مهتاب عالمی نینگ ایتیشیچه، هوا دغل‌لیگی نی کمه‌یتیریش اوچون اوتگن کوندن بویان ضرر یتیشتیروچی ماده‌لردن قوللنه‌دیگن قطار یشش شهرک‌لر و توی سالون‌لری نینگ فعالیتی منع قیلینگن.
