ویل کیږي چې د پاکستانۍ کرکټ ملي لوبډلې د پخواني کپتان یونس خان په مشرۍ به ۱۶ کسیزه کرکټ ملي لوبډله ډیر ژر د سیالیو لپاره کابل ته راشي.
افغان کرکټ بورډ دیوې خبرپاڼې په خپرولو سره وایي چې کابل ته د راتلونکې میلمه لوبډلې نوملړ یې ترلاسه کړی دی.
د خیبرپښتونخوا په اعلان شوې ۱۶ کسیزه لوبډله کې د پاکستانۍ کرکټ ملي لوبډلې اوسني او پخواني مشهور کرکټ لوبغاړي هم شامل دي.
په اعلان شوې لوبډله کې یونس خان ، یاسرحمید ، عمران خان ، رفعت الله مومند ، تاج ولي ، فضل اکبر ، رضوان احمد ، عدنان رییس ، ګوهرعلي ، اسرارالله ، عادل امین ، افتخاراحمد ، کامران غلام ، خالدعثمان ، احمد جمال او اجمل افریدي شامل دي.
افغان کرکټ بورډ وایي چې ښایي میلمه لوبډله دروانې (مۍ) میاشتې ترپایه د ۳ شل اوریزه ، ۳ یو ورځنیو او ۲ څلور ورځنیو سیالیو لپاره کابل ته راورسیږي.
کرکټ بورډ لیکي چې د خیبرپښتونخوا کرکټ لوبډله به په کابل کرکټ نړیوال لوبغالي کې له افغان (الف) کرکټ لوبډلې سره دغه لوبی ترسره کړي.
