بوگون ایرتهلب ساعت 5 بامداد چاغی،کابل- تخار یولی قندوز ولایتی شینهتپه منطقهسیده تورت موتر یولاوچیسیدن کمیده 175 کیشی طالبلر تامانیدن اوغیرلنگن.
قندوز امنیه قومندانلیگی امنیت آمری معصوم هاشمینینگ ایتیشیچه، امنیتی کوچلر بیلن طالبلرنینگ اورتهسیده یوزبیرگن توقنهشووده یولاوچیلردن 18 کیشی طالبلرنینگ قولیده قالیب و باشقهسی آزاد ایتیلگن.
هاشمیگه کوره، اوشبو قملگه آلیش دلیلی حاضرگچه معلوم ایمس و اولر قالگن یولاوچیلرنی قوتقریش خصوصیده، هیچ قندهی سعی و حرکتدن وازکیچمهیدی. اونینگ ایتیشیچه، طالبلر برچه یولاوچیلرنی اولدیریشگه قصد قیلگن.
هاشمینینگ ایتیشیچه، اوشبو یولاوچیلردن 10 کیشی آلیب کیتهیاتگن بیرچاغده جان بیرگن. جناب هاشمیگه کوره، اوشبو یولاوچیلر کابلدن تخار تامان بارهیاتگن ایکن.
ایتیلیشیچه، اوشبو یولاچیلردن کوپینچهسی، بدخشان و تخار یشاوچیلری ایکن.
قندوز امنیه قومندانلیگی امنیت آمریگه کوره، قوراللی طالبلر مذکور یولاوچیلرنی چهاردره تومنیگه انتقال بیریشگه قصد قیلگن.
اوغیرلنگنلرگه بالهلر و عیاللر هم شامل بولگن.
قوراللی طالبلر حاضرگچه بوتوغریده هیچ نرسه دیمهگن.