کابل بیلیم یورتی کیچه‌لی بولیمی نینگ اوقووچییلری‌گه کوره، اوتگن کوندن باشلب سونگی سمسترلری بیرینچی سیناغلری آلینیشی ایتیلگن ایدی؛ اما اوقیتوچیلرنینگ تحصن قیلگنلری دلیل، بو سیناو کیینگه قالگن.
بو اوقووچیلرنینگ ایتیشلریچه، اوقیش هزینه‌لرینی وقت وقتی‌گه بیریله‌دی و ایریم قیین‌چیلیکلر بارلیگی بیلن صنفده کیله‌دیلر؛ اما هر نیچه‌ده اوقیتوچیلری آی‌لیکلری بیریلمه‌گنلی‌گی اوچون تحصن قیله‌دیلر.
دولتی بیلیم یورتلر کیچه‌گی بولیمی‌ده اوقیدیگن طلبه‌لر، اوقیش هزینه‌سینی بیریشگه مجبورلر و بو بولیم‌ده درس بیره‌دیگن اوقیتوچیلر ایسه ایری آیلیک قولگه کیلتیره‌دیلر.
شونینگ‌دیک بو اوقووچیلر عالی تحصیلات وزیرلیگی و کابل بیلیم یورتینی اوقیتوچیلر آیلیگینی بیریلمس‌لیک باره‌سیده توجه‌سیزلیککه عیبلی‌دیلر.
ژورنالیزم طلبه‌لریدن میلادنینگ ایتیشیچه، باید اقیتوچیلر آی‌لیکلرینی آلیش اوچون باشقه یوللرنی قیدیرسه‌لر و اوقووچیلر بو مساله قربانی بولمه سین.
کابل بیلیم یورتی اوقیتوچیلریدن ایریمی نینگ ایتیشلریچه، ایکی ییلدن بویان عالی تحصیلات وزیرلیگی کیچه تاماندن درس بیره‌دیگن اوقیتوچیلر آیلیگینی کیچیکتیریب بیره‌دی و بوباره‌ده انیق بیر لایحه‌لری هم یوق.
کابل بیلیم یورتی ادبیات بولیمی نینگ اوقیتوچیسی عبدالجمیل شیرزادنینگ ایتیشیچه، جوزا آیدن حاضرگه قدر کیچه تامان بیره‌دیگن درس‌لری حجره سینی قولگه کیلتیرمه‌گن. شیرزادگه کوره، بوباره‌ده کوپیلر بیلیب ایش قیلمیدی.
ژورنالیزم بولیمی اوقیتوچیسی جاوید سکوت نینگ اورغوله‌شیچه، بو تحصن آی‌لیکلری بیریلمه گونگه قدر دوام تاپه‌دی.
یوکسک تحصیلات سوزلاوچیسی اورین باسری اخترمحمد عبیر اوقیتوچیلرنی تحصنی‌دن خبر سیزلیگینی بیلدیریب ایتیشیچه، یوکسک تحصیلات ینگی قانونی نینگ ایریم ماده‌لری قیین‌چیلیک توغدیرگن و شو اوچون بولر اعتراض قیلگنلر.
اوچ هفته آلدین بو اوقیتوچیلر درس بیریشدن چیکینیشی اساسیده یوکسک تحصیلات وزیرلیگی قیین‌چیلیک‌لرنی حل قیلیش وعده‌سینی بیرگن ایدی؛ اما کورینیشیچه قیین‌چیلیکلر ینه هم حل بولمسدن قالگن.
