بوگون "دوشنبه" کابل بیلیم یورتی‌ده اینگ یخشی اوقووچی مراسمی یولگه قوییلدی. کابل بیلیم یورتی اوقووچیلر بیرلشمه‌سی‌نینگ مسووللریگه کوره، اوشبو مراسم‌ده 250 دن 300 اوقووچی اشتراک قیلگن و بو جمله‌دن اینگ یخشی 10 اوقووچی سونگی باسقیچ گه یول تاپگن‌لر.
اوشبو مراسم‌ده اووقوچیلر اینگ یخشی ریجه‌لرینی ارایه قیلگن و بوندن سونگ، بو ریجه‌لر بیلیم یورت اوقیتووچیلر، ایریم وزیرلیک‌لر و ایرکین ریاست‌لر تامانیدن تیکشیریله‌دی.
صالحه هدایت و آرزو علی‌زی، قوشمه شکلده "فاکولته مدیریت سیستمه‌سی" آتی‌ده بولگن ریجه اوستیده بیر ییل و 6 آی ایشله‌گنلر و اولر بو مراسم‌ده بیرینچی اورین‌نی ایگه‌لگن‌لر.
افغانستان مخابرات وزیرلیگی‌نینگ سابق وزیری عبدالرزاق وحیدی‌نینگ ایتیشیچه، اوقووچی‌لرنینگ اینگ یخشی ریجه‌لری دولتی اداره‌لر و وزیرلیک‌لر رهبرلیگی‌ده ارایه ایتیلیش قابلیتی گه ایگه بولگن. بو ریجه‌لر یخشی بیر شکلده تیکشیریلگنیدن سونگ، وزیرلر کینگشی و کابینه آجنداسیگه کیریتیلیشی کیره‌ک.
اوشبو مراسم‌ده اینگ یخشی اوقووچیلردن بیرقطاری گه خصوصی بیر شرکت تامانیدن اوچ پایه کمپیوتر ساوغه قیلینیب و اونینگ یانیده ایریم فاکولته‌لردن یوقاری نمره‌سی بولگن 21 اوقووچی تقدیرلنگن.
