مملکت ایچکی ایشلر وزیری سوزلاوچی‌سی صدیق صدیقی‌نینگ ایتیشیچه، کابل امنیتی تامین ایتیلشی اوچون ایچکی ایشلر وزیرلیگی لایحه سیده گارنیزیون ایجاد ایتیلگن. جناب صدیقی بو مطلب‌نی سه‌شنبه کونی 5- جوزا مذکور وزیرلیک‌نی هفته‌لیک ییغینی‌ده بیان ایتدی.
جناب صدیقی، مذکور گارنیزیون‌نی ایجاد ایتیلیشی‌دن مقصد امنیتی، دفاعی و پولیس کوچلری بیرگه‌لیک فعالیت‌لری شونینگ‌دیک پایتخت امنیتی‌نی یخشی صورت‌ده تامین‌لش اوچون مذکور کوچلر اورته سیده بیرگه‌لیک ایجاد ایتیش دیب بیله‌دی.
ایتیلیشیچه، ایچکی ایشلر وزیرلیگی‌نینگ سابق امنیتی اورین باسری عبدالرحمان رحمان، مذکور گارنیزیون‌نی قومندانی صفتی‌ده جمهور رییس تمانیدن تانیشتیریلگن.
بیراق بیرقطار کیشی‌لرنینگ باوری‌گه کوره، بو اداره‌نی ایجاد ایتیلیشی پایتخت امنیتی یخشی‌له‌نیشی اوستی‌گه تاثیر تشلمه‌یدی.
حربی ایش بیلرمانلردن بیری عتیق‌الله امیرخیل‌نینگ سلام‌وطندارگه ایتیشیچه، امنیتی کوچلر ارا علاقه موجودلیگی و ظرفیت‌گه ایگه شخصلرنی جایلشتیریلمس‌لیگی، شونینگ‌دیک کابل گارنیزیونی نینگ قومندان‌لیگی دیک کلیدی پست‌لرگه کیشی‌لرنی جایلشتیریلیشی پایتخت امنیتی‌نی تامین‌له‌نیشی‌گه ایجابی تاثیر تشلمه‌یدی.
جناب امیرخیل‌نینگ ایتیشچه، حکومت پایتخت‌ده جدی صورت‌ده تینچ‌لیک نی تامین‌له‌ماقچی بولسه، بونده‌ی پست‌لرگه مدافعه وزیرلیگی‌نینگ بیرینچی اورین باسری دیک کیشی‌لرنی تعیین له‌شی کیره‌ک.
کابل شهری گارنیزیونی، ینگی ییل باشله‌نیشی بیلن پایتخت‌ده پارتلاو و خودکش هجوم‌لری کوپیگن بیرچاغ‌ده ایجاد ایتیلگن.
ینگی لیک‌ده، عدلیه وزیرلیک توغری‌سیده خودکش هجومی یوزبیردی و نتیجه‌ده 4 کیشی هلاک بولیب و باشقه 24 کیشی یره‌لندی.
بو پارتلاوهجوم جمهورلیگ ریاستی و افغانستان مرکزی بانکی یقینی‌ده یوزبیرگن ایدی.
طالب‌لرگروهی مذکور هجوم مسؤولیتی‌نی بوینیگه آلیب و تلفات رقمی‌نی کوپراق گزارش بیرگن.
