.jpg)
کابل اعتراضچی نامزدلریدن بیرقطاری، ینه بیر بار باشکینت آوازلری بیکار قیلینیشی و سیلاولر کمیسیونی‌نینگ رسمی‌لری محکمه بولیش‌لری اوستیگه تأکیدلب پشتونستان تورت یولی‌ده ناراضیلیک بیلدیرگن‌لر.
اوشبو اعتراضچی‌لر سیلاولر ایرکین کمیسیونی‌نینگ اعضالری و مذکور کمیسیون‌نینگ دبیرخانه باشلیغی‌نی کینگ ساخته‌کارلیک‌که عیب‌لگن.
اعتراضچی‌لر سیلاولر شکایت‌لرینی تینگلش کمیسیونی‌نینگ ایش‌لریگه جمهورلیک ریاستی اره‌لشیشی‌نی کیچیریلمس جنایت بیلیب ایتیشیچه، حکومت و خلق ارا اداره‌لری سیلاولر شکایت‌لرینی تینگلش کمیسیونی‌نینگ اوستیگه باسیم کیریتیش‌دن قول تارتمه‌گن صورتده، افغانستان یشاوچیلری‌نینگ قرشی‌لیگی‌گه روپه‌ره بوله‌دیلر.
اعتراضچی‌لرنینگ آگاه‌لنتیریشیچه، حکومت اولرنینگ ایستک‌لریگه جواب بیرمه‌گن صورتده، اعتراضلرینی کینگه‌یتیره‌دیلر.
بیراق، سیلاولر ایرکین کمیسیونی‌نینگ مسؤوللری، اعتراضچی نامزدلر تامانیدن بولگن ادعالرنی رد قیلیب ایتیشیچه، اعتراضچی نامزدلرنینگ حجت‌لری بولگنده مسؤول اداره‌لرگه مراجعت قیلیش‌لری کیره‌ک.
.jpg)
سیلاولر ایرکین کمیسیونی‌نینگ سوزلاوچیسی‌نی اورین باسری ذبیح‌الله سادات نینگ ایتیشیچه، اعتراضچی‌لرنینگ مقصدی ملی جریانلرگه زیان ییتکزیش دیر.
عین حالده، سیلاولر شکایت‌لرینی تینگلش کمیسیونی‌نینگ مسؤوللری، کابل حوزه‌سیده اوتکزیلگن نماینده‌لری کینگشی سیلاوی توغریسیده بیر مینگ شکایت قولگه کیریتگن‌لریدن خبر بیره‌دیلر. شکایت‌لرنی تینگلش کمیسون مسؤوللری‌نینگ ایتیشیچه، بو کمیسیون برچه شکایت‌لرنی تعیین ایتیلگن زمانده تیکشیریب و نتیجه‌سینی اعلان قیله‌دی.
