بوگون «پنجشنبه» ایرته‌لب ساعت 08:10 اطرافیده، کابل شهری نینگ 16- حوزه سیگه تیگیشلی ملی بس تورت یولی ده ایکی پارتلش یوز بیردی. بیرینچی پارتلش‌ده خودکش هجومچی بیر موتر سایکل آرقه‌لی یانیده‌گی پارتلاوچی ماده بیلن کانلر و پترولیم وزیرلیگی نینگ ایشلاوچی‌لری مینیلگن موترنی هدف قرار بیرگن. ایکینچی پارتلش، بیرینچی پارتلش‌دن نیچه دقیقه کیین یوز بیرگن.
شونینگدیک، اوچینچی پارتلش، توشدن آلدین ساعت 9 اطرافیده، کابل شهری نینگ 9- حوزه‌سیگه تیگیشلی دیسپیچری منطقه‌سیده یوز بیردی.
ایچکی ایشلر وزیرلیگی سوزلاوچیسی نصرت رحیمی نینگ ایتیشیچه، کابل شهریده یوز بیرگن 3 پارتلش نتیجه‌سیده، 5 عیال و بیر باله شامل 11 کیشی هلاک و باشقه 45 کیشی یره‌لنگن.
اونگه کوره، هلاک ایتیلگن‌لر و یره‌لنگن‌لرنینگ برچه‌سی تینچ اهالی دیر.
