بوگون «دوشنبه» کابل‌ده پاکستان ویزه‌سی مراجعتچی‌لریدن بیرقطاری، مذکور مملکت ایلچی‌خانه‌سی برابریده ناراضیلیک بیلدیریب و پاکستان ایلچی‌خانه‌سی قوروقچی‌لرینی پاره‌خورلیک و مراجعتچی‌لر بیلن یامان یانده‌شیش گه عیب‌لگن‌لر.
اعتراضچی‌لرنینگ ایتیشیچه، پاکستان ایلچی‌خانه‌سی قوروقچی‌لری پاسپورت نی ایلچی‌خانه ایچی گه انتقال بیریش بدلی ده اولردن پول طلب قیله‌دیلر.
اولرگه کوره، نیچه کیچه-کوندوزنی پاکستان ویزه‌سی مراجعتچی‌لری صفیده اوتکزه‌دیلر، بیراق ایلچی‌خانه قوروقچی‌لری پول آلگونگه‌قدر پاسپورت نی ایچکری آلیب باریش گه رخصت بیرمه‌یدی.
عین حالده، اعتراضچی‌لرنینگ ادعا قیلیشیچه، پولیس کوچلری اولرنی کلتک‌لگن، بیراق کابل پولیس قومندانلیگی سوزلاوچیسی فردوس فرامرز، بوگونکی ناراضیلیک‌ده پولیس دخالتی‌نی رد قیله‌دی.
شونینگدیک، اوشبو گزارش تشقی ایشلر وزیرلیگی نینگ فکرینی اورگه‌نیش اوچون علاقه قوردیک؛ بیراق تکرار قونغیراقلر نتیجه‌سیده مؤفق بولمه‌دیک.
بو بیرینچی مرته ایمس کیم، کابل بوییچه پاکستان ایلچی‌خانه‌سی قوروقچی‌لری ویزه مراجعتچی‌لریدن پول طلب قیلیش و اولر بیلن یامان یانده‌شیش گه عیبلنهدی.
