کابل بوییچه بدن تربیه‌لش فدراسیونی، عیاللرگه خاص بیرینچی مرته کوره‌ش بیلشووینی یولگه قویدی. اوشبو بیلشوولرده آزمه-کوپ 100 عیال فرقلی آغیرلیک‌لرده اشتراک قیلگن.
مملکت بوییچه بدن تربیه‌لش فدراسیون مسؤوللریگه کوره، کوره‌ش بیلشوولریده عیاللرنینگ اشتراکی ایرکین دیر و بو بولیم‌ده مشق قیلمه‌گن عیاللر هم بیلشوولرده اشتراک قیله آله‌دی.
کابل بوییچه بدن تربیه‌لش فدراسیونی باشلیغی باور هوتک نینگ ایتیشیچه، بو سپورتی رشته‌گه عیاللرنینگ علاقه‌سی کوپ دیر و بو بیلشوولرنینگ تیزلیک‌که ولایت‌لرده هم یولگه قوییلیشی ممکن.
جناب باورنینگ کوپه‌یتیریشیچه، بدن تربیه‌لش فدراسیونی کوره‌ش ملی تیزیمی‌نی ایجاد قیلیش اوچون سعی و حرکت قیله‌دی.
بو بیلشوولرگه اشتراک قیلگنلردن ایکی ته‌سی زینب و لینا نینگ ایتیشیچه، اوشبو بیلشوولر عیالرنینگ سپورت‌گه علاقه تاپیشی سبب بوله‌دی.
مذکور بیلشوولرنی یولگه قویگن‌لرنینگ ایتیشیچه، افغانستان سپورتچی‌لری‌نینگ خلق ارا بیلشوولریده اشتراک قیلیشی اوچون سعی و حرکت قیله‌دیلر.
