عاشورا عزادارلریگه صادر ایتیلگن ترورچی‌لیک خودکش هجوم نتیجه‌سیده 14 کیشی عالم‌دن اوتگن و باشقه 23 کیشی یره‌لنگن.
اوتگن کینچه ساعت 7:30 ده کابل شهری اوچینچی امنیتی حوزه‌سی کارته سخی زیارتگاهی‌ده تورت ترورچی شخص عزادارلرگه قرشی اوق اوزگن‌لر.
کابل امنیه قومندانی عبدالرحمان رحیمی‌نینگ ایتیشیچه، ترورچی‌لر امنیتی کوچ‌لر بیلن ایکی ساعت اوروش قیلیب نابود ایتیلگن‌لر.
ساغلیقنی سقلش وزیرلیگی حادثه‌ده 14 کیشی عالم‌دن اوتگن و باشقه 23 کیشی تن جراحت آلگن دیب اعلام قیلگن. کابل پولیس باشلیغی‌گه کوره، یره‌لنگنلر ارا اوچینچی حوزه امنیت آمری و جنایی مدیری هم شامل.
کارته سخی زیارتگاهی‌ده صادر ایتیلگن هجومنی جمهور رییس غنی قاره‌لب بشرگه قرشی جنایت دیگن.
حاضرگه قدر حادثه مسؤولیتینی هیچ بیرگروه یا شخص اوز بوینیگه آلمه‌گن.
