.jpg)
افغانستانلیک دین عالملر حزبالتحریر، داعش و طالبلر کبی گروه فعالیتینی قارهلب، دولتدن مذکور گروهلرگه قرشی کورهشیش بارهسیده تاکیدلهگنلر.
سانی 500 دن آرتیق بولگن مذکور دین عالملری مملکت بویلب کابل کیلیب ییریک ییغین اوتکزدیلر. ییغینده افراطیتنینگ اقتصادی، سیاسی و دینی انگیزهلرینی اورگهنیب اونگه حل یول تاپیش همده اوشبو پدیده گه قرشی مبارزه قیلیش اوستیده بحث آلیب بارگنلر.
مذکور ییریک ییغین اوچ کونده افغانستان حج اوقاف وزیرلیگی تامانیدن یولگه قوییلگن.
مذکور ییغینینگ پایانیده دین عالملریدن بیری مولوی عبدالله تامانیدن قطعنامه اوقیلگن. قطعنامهده، افغانستانده تینچلیک اورنهتیش لایحهسی حمایت ایتیلگن. شونینگدیک قطعنامه ده افغانستان حکومتی همده دنیا جماعه چیلگیدن افغانستاندهگی اوروشگه پایان بیریلیشی سورهلگن.
.JPG)
مملکتده ترورچیلیککه قرشی کورهشیشده دین عاملرینینگ اولکن اهمیتی بارلیگی بارهسیده تاکیدلهگن حج و اوقاف وزیری فیض محمد عثمانی، دین عالملری اوز لرینی زمانوی بیلملر بیلن قوراللب اونینگ ایجابی تامانلرینی اهالی بیلدیریشلرینی سورهگن.
شونینگدیک مذکور ییغنده سوزگه چیققن ایریم دین عالملری بعضی دین عالملرنینگ قابلیتی اونچهلیک ایمس ایکنلیگی بارهسیده تشویش بیلدیریب، کوپینچهلرینینگ بیلیملری زمان طلبلرگه ماس ایمس دیگنلر.
شونینگدیک جناب عثمانی، هنوزگچه هم افغانستانده افراطیتگه قرشی مبازره قیلیش اوچون هیچ بیر ایش عملگه آشیریلمهگن دیگن.
