کابل شهری سبزوات ساتیووچیلر مارکیتی‌ده یوز بیرگن یانغین‌ده تجارلر 10 میلیون افغانی زیان کورگن. کابل شهری‌نینگ تورتینچی ناحیه‌سیده جایلشگن اوشبو مارکیت شهرنینگ اینگ گوجوم منطقه‌لریدن حسابلنه‌دی.
سبزواتلر مارکیتی‌نینگ مسووللری، یانغین ساعت 12ده یوز بیرگن‌لیگینی تیلگه آلگن. واقعه برق شارت‌لیگی طفیلی روی بیرگن دیدی مارکیت مسوولی.
کابل شهری کینگشی نینگ باشلیغی نورالحق، مذکور یانغین‌ده کیشی‌گه جانی زیان ییتمه‌گن، لیکن 15دن آرتیق دکان کوییب کیتگن دیگن.
اونینگ سوزلریگه کوره، حادثه‌نینگ زیانی هنوزگچه انیق‌لنمه‌گن بولسه – ده، لیکن دستلبکی معلوماتلرگه کوره، مارکیت‌ده‌گی دکاندارلر 10 میلیون افغانی زیان گورگن بولیشی ممکن.
محل اهالیسی همده دکاندارلر، پایتخت کابل‌ده یوز بیرگن بو بیرینچی یانغین ایمس دیدیلر. اولر حکومت‌دن حساس منطقه‌لرنی معلوم قیلیب بو قبیل حادثه‌لر آلدی آلینیشی اوچون لازم درجه‌ده چاره تدبیر کوریشی‌نی طلب قیلگنلر.
واقعه‌نینگ عینی گواهلری، اوت اوچیرووچی گروه منطقه‌گه کیچ ییتیشیب کیلیشی‌گه قره‌مه‌ی، یریم ساعت ایچیده اوت اوچیریب آلیندی دیگنلر.
