هیداوچیلیک حجتی، پاسپورت و تجاری ایشلرنی رسمیلشتیریش اوچون کابل ترافیک، پاسپورت و گمرک اداره‌سیگه مراجعه قیلگن‌ده مذکور اداره‌لرده‌گی کمیشن ایشی فساد، پاره خوریک و ایش جارینی سُست آلغه کیتیشی‌گه سبب بوله‌دی دیگنلر.
کابل ترافیک اداره‌سیگه مراجعه قیلگنلردن بیری فردوس نینگ ایتیشیچه، بو اداره نینگ کوپینچه ملازملری کمشن ایشی بیلن علاقه‌سی بار کته مبلغ توله‌مگن‌ده خلق نینگ ایشی‌گه ییتیشمه‌یدی.
کابل گمرک اداره‌سی گه کیلگن جاوید نینگ سوزلریگه قره‌گنده، بو اداره نینگ کیریش ایشیگیدن اصلی بولیمگه ییتیب بارگونچه پول توله‌مسدن باریش ممکن ایمس. جاوید کمیشن کار مسووللر بیلن علاقه‌سی بارلیگی اوچون نیچه برابر پول آله‌دی دیدی.
ترافیک اداره‌سیگه گی کمیشن ایشی بیلن مشغول شخص نینگ معلوم قیلیشیچه، بو ریاستده‌گی رسمیلرنینگ کوپیچه‌سی پول آله‌دی شونینگ اوچون بولرهم مراجعینلردن کوپراق پول آلیشلریگه توغری کیله‌دی.
پاسپورت ریاستیده هم کمیشن کارلرنینگ بازای یامان ایمس لیگی ایتیله‌دی. کمیشنچی‌لردن بیر 350 دالر مقابلیده بیر پاسپورت نینگ بوتون ایشینی بیر کونده بجره‌دی.
اداری فسادگه قرشی کوره‌ش عالی اداره‌سی هم دولت اداره‌لرده‌گی کمیشنکارلر موجودلیگی توغریسیده خواطر بیلدیرگن.
اداری فسادگه قرشی کوره‌ش عالی اداره‌سی نینگ باشلیغی سیدحسین فخری سلام وطندارگه بیرگن صحبت‌ده، بعضی بیر اداره‌لرده کمیشنکارلر موجودلیگی فساد و پاره آلیش اوچون زمینه یره ته‌دی دیگن.
ترافیک اداره‌سی نینگ مسلکی اورین باسری عبدالودود خیرخواه، اوشبو اداره ده‌گی کمیشنکارلر فساد رونقی اوچون زمینه یره‌تگن لیگینی اعتراف ایتگن. او، اهالیدن ایشلری اوچون توغریدن توغری ریاست‌نی اوزی بیلن علاقه قوریشلرینی سوره‌گن.
اما، گمریک کمیشنکارلر بیرلشمه‌سی نینگ اعضاسی ننگیالی مهمند، بو بیرلشمه مالیه وزیزلیگی نینگ قانونی رخصتی اساسیده آچیلگن. کمیشنکارلر اهالی اوچون کوپ قُولیلیکلر یره‌تگن دیگن جناب مهمند.
