اوتگن هفته کابل شهریده صادر ایتیلگن قانلی پارتلش ایاغیم‌نی بو شهرده خلق‌نینگ روحی خوفسیزلیگی قنده‌ی لیگی‌نی یقیندن کوریش اوچون پایتخت بازاری‌گه تارتدی. ایش ادارم‌دن چیقه دیگن چاغ‌ده قیته اداره‌م‌گه تیریک قیتیشیم ممکن می ایمس دیگن سوراق، ذهنیم‌گه کیلدی؟
انه شو طرح بیلن کابل‌نینگ شهر نو خایابانلریده قدم اوریش‌گه باشله‌دیم. ایاغ کییم‌لریمنی بویه‌تیش اوچون کاووش تیکیوچی‌لردن بیری‌نینگ یانیده اولتیردیم. کیین اونینگ حیاتی وضعیتی توغریس‌یده گپیریش‌گه باشله‌دیم. اونینگ دردی آز ایمس ایدی البته؛ او، اهالی‌نینگ احوالی یخشی ایمس، کونده یوزلب کیشی تورلی حادثه‌لر سبب حیات‌دن کوز یومه دیلر دییه حکایه قیلدی. لیکن، آوازیی یازیب آلیشیم‌گه رخصت بیرمی، باشقه اعتراض قیلیش و شکایت ایتیش هیچ فایده کیلتیرمیدی، چونکه بو شهرده ایشیتیه دیگن قولاق‌نینگ اوزی یوق.
فقط خیابانلرده ایش و کوچ قیله دیگن شهر یشاووچی‌لری‌نینگ روحی امنیتی یخشی ایمس‌لیگی‌نی اویله‌گن ایدیم. انه شو مساله سبب خوفسیزلیک نطقه نظردن تیکشیریلیب کابل‌ده امنیتی تامین ایتیلگن مرکزلردن بیری سیتی سنترگه کیردیم. کیریشیم بیلن تَقینچاق ساتووچی دکاندارلردن بیری سیدعبدالوهاب بیلن اوچره‌شدیم؛ بوتونلی ایشانچ بیلن امنیت احساسی قیلمسلیگی‌نی ایتیدی. او کونده خداوند(ج)گه توکل قیلیب اویدن چیقه‌دی، اما، اویی‌گه تیریک قیتیب باریشی یا بارمس‌لیگی گمان. عبدالوهاب سیتی سنتر کیریش ایشیگی امنیت جهت‌دن یخشی تیکشیریلیشی اوچون بوتون مشتریلرینی قولدن بیریش‌گه هم تیار.
کابل‌نینگ ایلنمه کوچه‌لریدن اوتیب، شهرنینگ گوجوم منطقه‌لریدن بولمیش چهار راهه‌لریدن بیریگه ییتیب باردیم؛ چهار راهه‌نینگ بیر چیتی‌ده گوده‌لی و کیلیشگن بیر یاش ییگیت، قولی‌ده بیر باغلم پول توریب توخته‌گن حالده. تقلبی بیر کولگی بیلن سلامم‌گه جواب بیریب، اوزینی تانیشتیردی. او، کونینگ یریمی‌ده بو ییرده پول المیشتیریش ایشی بیلن شغللن‌سه – ده توشدن کیین بیلیم یورت باریشی‌نی تیل‌گه آله‌دی.
فخرالدین هم کابل تیریکچیلیک اوچون امنیت ایمس‌لیگی‌گه ایشانچی کامل. او، باشقه‌لر قطاری خداگه توکل قیلیب ایرتلب اویدن چیقه‌دی؛ عین حالده، اونینگ تنقید پیچاغی امنیتی مسوول‌لرگه نسبتن اوتمس‌راق. نیگه دیگن‌ده فخرالدین‌گه کوره، کابل‌نینگ امنیتی بیر آز یخشی‌راق.
امین هم ایسبورن یاشلردن. او خیرخانه بیرینچی حصه‌سیده‌گی دَم آلیش مرکزده ایاغ کیملری بویَش بیلن شغللنه‌دی. باله‌لیک کولگی‌لری بیلن خواطرلرینی مین‌دن سیر سقلش‌گه حرکت قیله‌دی؛ بیراق، مین بیلن نیچه دقیقه سوزلشگن‌دن سونگ شکوه و شکایت‌گه آغیز آچه‌دی. اونینگ هم اصلی آغریغی نابرقرارلیک. امین، سه‌شنبه کون کابل‌نینگ محمودخان کوپریگی یقینی‌ده جایلشگن اونینچی خوفسیزلیک اداره‌ده عمل‌گه آشیریلگن خودکش هجوم ده اب سی تن جراحتی آلگن لیگی‌نی ایته‌دی. امین نینگ سوزلریگه کوره، کابل‌لیک‌لرنینگ ییریک معماسی خوفسیزلیک مساله‌سی. کابل‌ده هر قنده‌ی بیر واقعه یوز بیریشی بیلن خانه‌دانی نینگ اعضاسی درحال او بیلن علاقه‌ده بویلیب، حال و احوال سوره‌شه‌دی.
امنیت تامین ایتیلیشی‌گه نسبتن شهر اهالی‌سی ایچی‌ده انتقادی روحیه بارلیگی‌گه قره‌می، کوپچیلیک‌دن امنیت تامین ایتیلیشی اوچون ملی بیرلیک حکومتی سیزلردن همکارلیک سوره‌گن تقدیرده، جواب‌لرینگیز نیمه بوله‌دی دیگنیم‌ده؟ مملکت برقرارلیگی تامین ایتیلیشی اوچون هر قنده‌ی یاردم بیریش‌گه تیار ایکن‌لیکلرینی تیل‌گه آلدیلر.
ایش اداره‌م‌گه ساغ و امان قیتیب کیلیشیم‌گه قره‌می، اما ینه هم کیچکی وقت اویی‌گه ساغلام قیتیب باریشیم کته بیر سوال؟
