.jpg)
ژنو ییغینی‌نینگ ایکینچی کونیده افغانستان جمهور رئیسی‌نینگ ایتیشیچه، ملی بیرلیک حکومتی فسادگه قرشی کوره‌ش‌ده کوپینچه یوتوقلرگه ایریشگن، بیراق فساد حاضرگچه افغانستانده کته قیین‌چیلیک سنله‌دی. جناب غنی‌نینگ ایتیشیچه، افغانستان حکومتی‌نینگ فسادگه قرشی کوره‌ش‌ده اراده‌سی کوچلی دیر و فسادگه عیب‌لنگن کیشی‌لر و شونینگدیک، حکومت رسمی‌لری محاکمه قیلینه‌دی.
جناب غنی، افغانستانده اوتکزیلگن سیلاولرگه اشاره قیلیب ایتیشیچه، افغانستان یشاوچیلری تینچلیک ایسته‌یدیلر و ملی جریانلرده اولرنینگ اشتراکی بو ادعانی اثباتله‌یدی.
جمهور رئیس‌نینگ ایتیشیچه، افغانستان ایرکک‌لری و عیاللری بیر-بیراوی‌نینگ یانیده توریب مملکت کیله‌جگی اوچون قتیق فعالیت قیله‌دیلر و اولر بیر نسل اوزگریشی توغریسیده امید بیره‌دیلر. اونینگ کوپه‌یتیریشیچه، ملی بیرلیک حکومتی‌نینگ حاکمیتی جریانیده چمه‌سی 350 قانون و قاعده اصلاح قیلینگن و تاریخ جریانیده بیرینچی مرته افغانستان بیرلشگن ملت‌لر تشکیلاتی‌نینگ مخدره ماده گه قرشی کوره‌ش قانونی دیک قانون گه قول تاپگن.
اونینگ ایتیشیچه، افغانستان 100 ییل‌دن کیین، بیرینچی مرته شهردارلیک‌لر قانونی‌نی مشخص قیلیش‌گه قادر بولدی و شونینگدیک، اقتصاد بولیمی‌ده اصلاحات گه قول تاپدی و نتیجه‌ده دنیا بانکی افغانستان ییغین‌لرینی رسمیت گه تانیدی.
شونینگدیک، افغانستان جمهور رئیسی باش محکمه‌ده اصلاحات و معلومات گه قول تاپیش قانونی تطبیق ایتیلیشی توغریسیده‌گی یوتوقلردن سوز یوریتیب ایتیشیچه، افغانستان حکومتی قیسقه مدت ده حقوقی اصلاحات‌نی وجودگه کیلتیرگن.
جناب غنی گه کوره، میلادی 2016- ییل‌ده 1750 افسر تقاعد قیلینگن و بو موضوع اوتگن بیر دهه ده تکرارسیز ایدی.
.jpg)
جمهور رئیس محمداشرف غنی‌نینگ ایتیشیچه، اصلاحات دن مقصد، افغانستان‌نی اوز آیاغیده توخته‌تیش دیر؛ اونینگ ایتیشیچه، مملکت 400 میلیون دالر درآمد کم‌لیگی گه روپه‌ره ایدی و حکومت میلادی 2012- ییل‌دن 2017- ییل گچه درآمدلرنی 70% کوپه‌یتیرگن.
جناب غنی‌نینگ عیاللر رولی توغریسیده ایتیشیچه، اوشبو رول تعیین ایتیلیشی حکومت‌نینگ استراتیژیلریدن بیری ایدی و اولر بو رولنی کینگه‌یتیریش اوچون سعی و حرکت قیله‌دیلر. جمهور رئیس‌نینگ کوپه‌یتیریشیچه، افغانستان یشاوچیلری دنیا نماینده‌لیگی‌دن خلق ارا ترورچی‌لرگه قرشی کوره‌شه‌دیلر.
ژنو ییغینیده جمهور رئیس غنی، کم‌بغل‌لیک و باله‌لر توییب آوقت‌لنمه‌سی توغریسیده هم سوز یوریتدی. اونگه کوره، افغانستان یشاوچیلریدن 40% کم‌بغل‌لیک‌ده حیات کیچیره‌دیلر و افغانستان حکومتی اوشبو قیین‌چیلیک‌لرنی نابود قیلیش اوچون هر تامانلمه استراتیژیکی ریجه توزه‌تیش اوچون سعی و حرکت قیله‌دی.
جناب غنی‌نینگ کوپه‌یتیریشیچه، افغانستان جمعیتی‌دن 60% 25 یاش‌دن قویی دیر و شو یوزه‌دن یاشلر اشتراکیده اقتصادی و رواجلنتیریش استراتیژیلرده خاص دقت قیلینگن. شونینگدیک، جناب غنی کیله‌جک 5 ییل گچه 6 مینگ مکتب قوریلیشی و 30 مینگ اوقیتووچی تعیین ایتیلیشی‌دن خبر بیره‌دی.
جمهور رئیس‌نینگ ایتیشیچه، نیچه آیلیک بحث و مصلحت‌دن سونگ، تینچلیک سوزلشوولری اوچون بیر هیأت تعیین قیلینگن و بو موضوع افغانستان ینگی موسوم گه اوتیشی‌نی کورسته‌دی.
جناب غنی، تینچلیک جریانی توغریسیده طالب‌لرگه خطاب ایتیشیچه، اوشبو گروه اساسی قانون اوزگرتیریلیشی‌نی ایسته‌گن صورتده، بو اوزگریش شرایط اساسیده بولیشی کیره‌ک. اونگه کوره، دنیا جماعه‌چیلیگی بیلن بولگن علاقه دوام ایته‌دی و طالب‌لر بیلن بوله‌دیگن تینچلیک سوزلشوولری افغانستانلیک‌لر تامانیدن رهبرلیک بولیشی لازم.
جمهور رئیس‌نینگ ایتیشیچه، اوتگن نیچه ییل‌ده افغانستان حکومتی چیگل‌لیک‌لر و افغانستان یشاوچیلری‌نینگ قیین‌چیلیک‌لریگه قره‌مه‌ی کیله‌جک‌که نسبتن امیدوار بولگنینی کورستدی.
.jpg)
ژنو ییغینیده افغانستان نماینده‌لیگی‌دن نطق سوزله‌یدیگن‌لردن باشقه بیری ملی بیرلیک حکومت اجراییه باشلیغی عبدالله عبدالله ایدی. اونینگ ایتیشیچه، تینچلیک سوزلشوولری افغانستان آرقه گه قیتیشی‌نی کورستمه‌یدی. اونگه کوره، تینچلیک جریانی ایکینچی باسقیچ ده اوتگن و بو جریانده اقلیت‌لر و عیاللرنینگ حقوقی گه خاص شکلده دقت قیلینگن.
شونینگدیک، اوشبو ییغینده افغانستان تشقی ایشلر وزیری صلاح‌الدین ربانی‌نینگ ایتیشیچه، نماینده‌لر کینگشی‌نینگ سیلاویده افغانستان یشاوچیلری هر بیر تهدیدگه قرشی توریب و تقدیر حقیدن مدافعه قیلیش‌لرینی اثباتله‌گن.
مملکت تشقی ایشلر وزیری‌نینگ کوپه‌یتیریشیچه، افغانستان سیاسی بیر ییچیم یول ارا اوروش گه نقطه قوییلیشی توغریسیده امید بیلدیره‌دی. اونینگ ایتیشیچه، ژنو ییغینی تهدیدلر تیکشیریلیشی گه زمینه یره‌تگن و اوز باشیمچه‌لیک‌که ییتیشیش اوچون ییچیم یوللر ایزله‌یدی.
صلاح‌الدین ربانی گه کوره، افغانستان موجود قیین‌چیلیک‌لرگه قره‌مه‌ی یخشی یوتوقلرنی قولگه کیریتگن و بو جمله‌دن دنیا جماعه‌چیلیگی‌نینگ همکارلیک‌لری دوام قیلمه‌گن صورتده، منطقه‌یی علاقه تأمین ایتیلیشی و اجتماعی خذمت‌لرگه قول تاپیش امکاندن اوزاق ایدی.
جناب ربانی گه کوره، کاسا بیرمینگ، چابهار بندری، تاپی و ایپک یول پروژه‌لری افغانستاننینگ مهم اقتصادی یوتوقلریدن سنله‌دی.
شونینگدیک، ژنو ییغینی‌نینگ ایکینچی کونیده بیرلشگن ملت‌لر تشکیلاتی‌نی باش کاتبی آنتونیو گوترش نینگ ایتیشیچه، افغانستانده زوره‌وانلیک‌لر اوج آلگن، بیراق بو مملکت تینچلیک توغریسیده کوپینچه یوتوقلرگه قول تاپگن.
جناب گوترش‌نینگ ایتیشیچه، تینچلیک جریانی افغانستان یشاوچیلری‌نینگ رهبرلیگی‌ده بولیشی کیره‌ک و ژنو ییغینی افغانستان منفعتی گه یکونلنیشی توغریسیده امید بیلدیره‌دی.
ژنو ییغینی اوتگن کون سویس ده 60 دن آرتیق مملکت و خلق ارا تشکیلات‌لری‌نینگ نماینده‌لری اشتراکیده یولگه قوییلدی. اوشبو ییغینده افغانستان حکومتی میلادی 2016- ییل بروکسل‌ده دنیاجماعه‌چیلیگی تامانیدن افغانستان گه وعده قیلینگن 15 میلیارد دالردن آرتیق یاردم توغریسیده گزارش بیره‌دی.
شو توغریده…
ژنو ییغینی؛ افغانستاننینگ تعلیم تیزیمی‌ده اقتصادی ثمره کورینمه‌یدی
