کنر ولایتی مَرَوَره تومنی غاشی کندَو منطقهسیده حربی وظیفه بجره دیگن بیر قنچه عسکرلر ییگولیک آزیق آوقتلری ایکّی آیدن بیری توگهگن لیگینی ایتگنلر. اولرنینگ سوزلریگه قرهگنده، بو قیینچلیک بارهسیده نیچه مرته ولایت محلی بلند مرتبهلی رسمیلری بیلن گپیرگن بولیشلریگه قرهمی، اما هنوزگچه هم کیشی آوازلرینی ایشیتمهگن.
اوشبو حربیلر، تبدیل بولیش پیتلری هم توگهگن؛ لیکن، یوللردن اوتیش قیین بولگنلیگی باعث منطقهدن چیقه آلمسلیکلرینی تیلگه آلگنلر.
نامی فاش ایتیلمسلیک شرطی بیلن سلاموطندارگه سوز بیرگن اوشبو عسکرلردن بیری تورلی تومن قیین چیلیکلر بیلن دوچار ایکن لیگینی ایتگن. نان و سوو تنقیسلیگی بیلن دوچاره ایکن لیگلری اوشبو سربازلر تیلیدن حکایه بولگن.
عین حالده، بو حربیلر تیز – آره ده سوو و ییگولیک آزیق آوقت ییتمهگن حالده، هلاک بولیشلری توغریسیده آگاهلنتیرگنلر.
مملکت شرقیده چیگره بیرینچی لوا قوماندانی ولیخان شینواری حربی عسکرلر قیین چیلیگینی تصدیقلب، بو قیین چیلیک حل ایتیلیشی اوچون سعی حرکت قیلیشلرینی ایتگن.
باشقه تاماندن غاشی کندَو منطقهسیدهگی قوراللی طالبلر بیلن اوروشده بولگن ملی اردو عسکرلری ملی مدافعه وزیرلیگی، منقطقهده جنگریلر نابود ایتیلیشی اوچون هوادن هجوم اوتکزیشنی سورهگنلر. اما، مدافعه وزیرلیگی نینگ سوزلاووچیسی دولت وزیری، مملکت هوا کوچلری قوماندانی رخصت بیرگن حالده، بو منطقهدن هوا دن عملیات اوتکزیلیشی ممکن دیگن.
کنر ولایتی غاشی کندَو پاکستان نینگ خیبر پشتون خواه ایالتی بیلن باغلنهدی، اما بو منطقهدهگی چیگره پولیسلردن تشقریده، کنر ولایتی سرکانوی نوپاس منطقه سیدهگی حربیلر ییگولیک آذیق آوقت بیلن روپه ره بولیب تورگن لیکلرینی اظهار قیلیشگنلر.