چین‌ده سووگه چوککن کیمه‌نینگ یوللاوچیلریدن 400 دن آشه راغی‌نینگ جسدی سوودن چیقاریلدی.
چین دولت رسمی‌لری نینگ ایتیشیچه، یوللاوچی‌لرنینگ جسدی نی ایزلش عملیاتی، بیر هفته دن بویان دوام ایتماقده. مذکور کیمه اوتکن هفته دوشنبه کونی 11- جوزا چین نینگ هوبه‌ی منطقه‌سی یانتسه دینگیزیده سووگه چوکگن.
مذکور کیمه کوچلی بُران باعث سووگه قوله‌گن.
چین رسمی‌لریدن بیری نینگ ایتیشیچه، حاضرگه قدر مذکور واقعه ده هلاک بولگن‌لریدن 40 ته‌سی نینگ جان‌سیز تنه‌سی دینگیز ایچیده قالگن.
ایتیلیشیچه، سووگه چوکگن کیمه نینگ 450 دن آشه راق یوللاوچی‌سی بولیب، نانجینگ‌دن چونگ‌چینگ شهری تامان حرکتده بولگن.
چین رسمی تلویزیونی نینگ گزارشی گه کوره، قالگن یوللاوچی‌لرنینگ قوتقریش عملیاتی دوام ایتماقده.
گزارش‌لرگه کوره، مذکور کیمه ایچیده 206 یوللاووچی، 47 خدمه و باشقه بیر مسافرتی آژانس نینگ 5 ایشیچی‌سی شامل 456 کیشی موجود بولگن.
عین‌حالده، اوشبو کیمه‌نینگ 12 یوللاوچی‌سی تیریک قوتقریلگن، اولرنی ایچیده کپیتان هم کورینه‌دی.
قوتقریلگن یوللاوچی‌لرنینگ ایتیشیچه، هوا وضعیتی سفر اوچون یخشی بولمه‌گن سبب حادثه روی بیرگن.
هلاک بولگن‌لرنینگ عایله اعضاسی گه کوره، سفر اوچون هوایی وضعیت یخشی بولمه گن صورتده، مسؤول‌لری بو کیمه نینگ حرکت قیلیشی اوچون نیمه اوچون رخصت بیرگنی تنقید قیلینگن.
مذکور کیمه شرکتی نینگ باشلیغی، اوشبو واقعه‌ده هلاک بولگن‌لرنینگ عایله اعضاسی‌دن کیچریم سوره‌گن.
چین مملکتی‌نینگ باش وزیری لی که چیانگ، اوشبو واقعه‌سبب کیمه سووگه چوکگن منطقه تامان یول آلگن.
مذکور مملکت‌نینگ مدنی وزیرلیک رسمی‌لریدن بیری جنگ شیفنگ شنبه کونی 16- جوزا بیر خبری ییغین‌ده هلاک ایتیلگن‌لرنینگ عایله اعضاسی‌دن جسدلر کویدیریش آلدین سونگی مرته قرینداش‌لری نینگ کوریشینی سوره‌دی.
یانتسه دینگیزی 6380 کیلومتر بولیب، آسیاده اینگ اوزون دینگیز و جهان‌ده اوچینچی اوزون دینگیز دییله‌دی.
