بوگون (یکشنبه) افغانستان، چین حربی اوسکونه‌لر کومکی‌نینگ بیرینچی توپلمی قبول قیلدی.
جمهور رییس‌نینگ ملی خوف‌سیزلیک کینگشی مصلحتچی‌سی محمد‌حنیف اتمر، اوشبو حربی اسکونه‌لرنی قبول قیلیش پیتی‌ده، چین حکومتی میلیونلب اقش دالری بهاسی‌ده بولگن حربی اوسکون‌لرنی نیچه باسقیچ‌ده ملی کوچلرگه کومک قیله‌دی دیگن.
کابل‌نینگ حربی قوانلغه‌سیده صحبت قیلگن جناب اتمر، بو حربی اوسکونه‌لرنینگ تفصیلاتی توغریسیده کوپراق معلومات بیرمه‌گن. اما، قورال – ییراق، عسکری انجام، نقلیه واسطه، حربی اوچاق‌لر و سکنر‌دن عبارت حربی کومک‌لر نیچه آی جریاینی‌ده افغانستان دولتی‌گه تاپشیریلیشی کوتیله‌دی دیگن جناب اتمر.
ملی امنیت مصلحتچی‌سی، ترورچیلیک‌نی افغانستان، چین و منطقه دولت‌لری اوچون قوشمه بیر تهدید دیب، بو حربی همکارلیک‌لر ترورچی‌لرنی نابود قیلیش اوچون بیر باشله‌نیش دیگن.
کابل‌ده رسمی پیکینگ‌نینگ ایلچی‌سی یوجینگ، ملی امنیت مصلحتچی‌سی‌گه اوشبو حربی اوسکونه‌لرنی تاپشیریش چاغیده مملکتی افغانستان حکومتی‌نی تورلی ساحه‌لرده کومک قیلگن لیگی‌نی ایتگن.
جناب یوجینگ، مذکور حربی اوسکونه‌لر افغان امنیتی کوچلری قابلیتی‌نی آشیریش‌ده کته رول اوینه‌شی اوستی‌ده تاکید قیلگن.
عین حالده، بیر قنچه سیاسی تحلیلچی‌لرگه کوره، اخیرگی حادثه‌لر و مملکت امنیتی وضعیتی یامان بولیشی و ترروچی‌لر افغانستان چیگره حدود‌لریدن اوتیشی منقطه مملکت‌لری و دنیا جماعه‌چیلیگی نی کوپراق خواطریگه سبب بولگن دیدیلر.
کابل بیلیم یورتی‌نینگ استادی طاهر هاشمی‌نینگ‌نینگ سلام‌وطندار ترماغی‌گه معلوم قیلیشیچه، ترورچی گروه‌لر افغانستان ایمس، بلکه دنیا اوچون ییریک بیر تهدید حسابلنه‍‌‌دی. اونگه کوره، چین انه شو مساله‌نی نظرده توتیب ترورچی‌لیک‌که قرشی کوره‌شیش اوچون افغانستان حکومتی‌گه حربی اوسکونه همکارلیک قیلیش‌گه باشله‌گن.
لیکن، جناب هاشمی، افغانستان حکومتی‌گه کومک قیله دیگن مملکت‌لر ارا نزاکت‌لر انابت‌گه آلگن حالده، حربی اوسکونه‌لر توغریسیده تفصلات بیریلمه‌گن دیدی.
مملکت امنیتی بلند مرتبه‌لی رسمیلری‌نینگ ایتیشیچه، چین حکومتی حربی اوسکونه کومکلری‌نینگ ایکینچی توپلمینی جاری ییل آگست آیی‌ده افغانستان دولتی گه تاپشیره‌دی .
