یکشنبه کونی (29 – قوس) کیچ‌ده چین‌نینگ شینژن منطقه‌سی‌ده یوز بیرگن ییر سیلجیشی نتیجه‌سی‌ده 30 تورر بنا ییر قعریگه کومیلگن. بو طبیعی واقعه‌ده 91 انسان درک‌سیز یوقالگن.
چین دولت تلویزیونی (سی‌سی تی‌وی) نینگ ترقتگن گزارشی‌ده تون‌نینگ 11گچه 59 کیشی یوقالگن؛ اما سونگ ترقه‌تیلگن گزارش‌لرده بو رقم‌نینگ سانی 91 کیشی‌گه آشگنی خبر قیلینگن.
حادثه ییش بنالر جایلشگن منطقه یقینی‌ده‌گی چیقین‌دیلردن توپلنگن تیپه‌لیک سیریلیب توشیشی نتیجه‌سی‌ده روی بیرگن. ایتیلیشیچه، مذکور یشش اویلر 20منیگ متر مربع لای آستی‌ده قالیب کیتگن. چین دولت رسمیلری مذکور حادثه طبیعی بیر واقعه بولمه‌گن لیگی‌نی تصدیق‌له‌گن‌لر.
حادثه ضرری توغریسی‌ده هنوزگچه انیق معلومات قول‌ده ایمس، لیکن هانگ کانگ برق ترقه‌تیوچی شرکت مسوول‌لری، شینژن‌دن گوانگ‌ژوگه گاز ییتکزیوچی قوورنینگ قولَشیشی حادثه اوچون ییریک زیان ییتکزیش‌گه باعث بولگن دیگن‌لر.
واقعه اوچون بیرینچی تدبیر ساحه‌ده‌گی خطرگه روپه‌ره بولگن 900 کیشی‌نی باشقه بیر محل‌گه ییتکزیش بولگن.
شینژن چین‌نینگ جنوبی‌ده‌گی گواندونگ ناملی ولایت‌نینگ منطقه‌لریدن حسابلنه‌دی. بو منطقه‌ده لیوشی صنعتی پارکی جایلشگن. «چایناپست» کونده‌لیگی‌نینگ گزارش قیلیشیچه، بو واقعه‌ده کمیده 15 شرکت جدی زیان کورگن.
