افغان ایلچیلری، چین و امیریکه اوچون، عرب بیرلشگن تشکیلاتی و لندن‌ده؛ افغانستان‌ده اوزگرووکیلیش ریجه سی اساسیده سُکان‌نی امیریکه دن چینگه آلیب بیریش اوچون یاشیرینچ اوچره شولر آلیب اوتگن‌لر.
وال استریت ژورنال، دسمبر آییده گی لندن اولتیریشی و اوتگن میلادی آیده بولیب اوتگن عرب اماراتی ده‌گی اولتیریش‌لر یوزیدن پرده کوتردی.
بوگزارش‌گه قره گنده غرب دیپلوماتلری چین اولکه سی نینگ افغانستان‌ده تینچلیک سوزلشیش توغری سیده پکن نینگ اوز قوشنی اولکه لری اوچون تشقی سیاستی اوزگرگن لیگی‌گه تن بیرگنلر.
بوکونده‌لیک، چین اولکه سی نینگ افغانستاننی حاضرگی وضعیتدن قوتقه زیش سیاسی کوره شیشلری، بو اولکه تشقی سیاستی نینگ اوزگریشلرنی کورسته‌دی و پکن افغانستان مساله سی توغری سیده چقور نقش اوینش نیتیده دیب یازگن.
موندن آلدین هم امیریکه‌لیک دیپلوماتلر، چین اولکه سی افغانستان توغری‌سیده کوره شه‌دی تا امیریکه دن کوره اونملی ایشلر بیلن اوزینی امیریکه‌دن کوره یخشی راق ثابت قیلسه دیگن ایدیلر.
دیمک بو کونده‌لیک طالبلر نینگ چین‌ده‌گی سونگی سفرلری توغری سیده اشاره قیلیب، کابل، واشنگتن و چین ایلچیلری بیرینچی مرته افغانستان‌ده تینچلیک کیلتیریش اوچون سوزلشه دیلر دیگن.
چین‌ده طالب‌لرنی سونگی سفری و پکین نینگ طالبلر بیلن افغانستان دولتی ارا تینچلیک توغری سیده میانجی بولگن لیگیدن پاکستان اوز حمایتی‌نی کورستگن ایدی.
شو بیلن بیرگه، چین تشقی وزیرلیگی افغانستان تینچلیگی توغری سیده سوزلشیشلر اوچون اوز تیارگرلیک‌لرینی اعلام قیلدی. اما چین اولکه سیده افغانستان دولتی بیلن طالبلر تینچلیک سوزلشیشلر بولیب اوتیشی، بوگروه تامانیدن رد بولدی.
افغانستان تشقی وزیرلیگی هم بو اولکه‌ده تینچلیک کیلتیریش نیتیده یاردم بیریش اوچون چین اولکه سی بیرهییت‌نی کابل و اسلام آباد گه یوباره‌دی دیب اعلام قیلگن ایدی.
ینه بیرتاماندن ایسه جمهور رییس غنی ملی بیرگه لیک حکومتی نینگ یوزه گه کیلیش بیرینچی کونلریده سعودی عربستان و اوندن کیین چین و پاکستان‌ده سفر قیلگن ایدی. غنی جنابلری، ریاض و پکین دن افغانستان‌ده‌گی حاضرگی سیاسی قیین چیلیکلر حل قیلیش اوچون جدی یاردملیک‌لرینی ایسته گن ایدی.
ایش بیلرمانلرگه کوره، غنی جنابلری بو اولکه‌لر یاردمی بیلن طالب‌لرنی تینچ لیک سوزلشیش‌لریگه چقیره‌دی.
کورینیشیچه حاضرگه قدر چین اولکه سی نینگ میانچی لیگی‌گه طالبلر افغانستان حکومتی بیلن تینچلیک سوزلشیش‌لری اوچون علاقه کورستمه گن، اما افغانستان تینچلیک سوزلشیش‌لری اوچون، چین تامانیدن بو مهم نقش آلیب اوتیشی کوزه تیلگن.
