قندوز ولایتی نینگ چهاردره ولسواللیگی بوندن چمه‌سی ایکی هفته آلدین طالب‌لرنینگ گروهی عملیاتی نتیجه‌سیده تصروف ایتیلگن ایدی. مذکور ولسواللیک بوگون امنیتی کوچ‌لرنینگ مخصوص عملیاتی نتیجه‌سیده، قیته‌دن دولت اداره‌سی آستی‌گه اوتدی.
جنگری طالب‌لر قیتیق اوروش عاقبتیده مذکور تومن نی باسیب آلیب امنیتی کوچلرنی ولسواللیک نی ترک قیلیش‌گه مجبور قیلگن ایدی.
قندوز والیسی عمرصافی نینگ بوگونکی خبری ییغین‌ده ایتیشیچه، طالب‌لر چهاردره تومنی‌ده شکست ییگن. اونگه کوره، اوروش‌ده 85 طالب هلاک بولگن و باشقه 15 ته‌سی یره‌لنگن.
جناب صافی‌گه کوره، بو توقنه‌شووده قندوز ولایتی‌ده طالب‌لرنینگ نام لنگن والیسی مولوی رحمت ایکی همکاری بیلن قاچیب کیته یاتکن چاغده امنیتی کوچلر آرقه‌لی اولدیریلگن.
قندوز والیسی گه کوره، بو توقنه‌شووده 6 امنیتی عسکر و بیر تینچ عیال هلاک بولگن و باشقه بیر کیشی یره‌لنگن. قندوز والیسی نینگ کوپیتیریشیچه، عملیات ولایت بویلب جدی صورتده دوام ایتماقده و کیچ قورونگچه باشقه یوتوق‌لرگه ایریشیلشی ممکن.
باشقه تاماندن، مذکور ولایت‌نی دشت ارچی تومنی اوتگن کون طالب‌لرنینگ قولیدن قیته آلیندی.
باشقه تاماندن، مذکور ولایت‌نی دشت ارچی تومنی اوتگن کون طالب‌لرنینگ قولیدن قیته آلیندی.
دشت‌ارچی تومنی باشلیغی نصرالدین سعدی نینگ اوتکن کون سلام وطندارگه ایتیشیچه، امنیتی کوچلر دوشنبه کونی ایرته‌لب ساعت 7 ده تومن بازاری نی ترک ایتکن.
حاضرگه قدر دشت‌ارچی تومنی‌ده‌گی ارووش‌ده ایکی تامان تلفاتی توغریسی‌ده معلومات بیریلمه‌گن.
قورال‌لی طالب‌لرنینگ سوزلاووچیسی ذبیح الله مجاهدنینگ بو توغریده ایتیشیچه، دشت‌ارچی تومنی قوشیمچه 14 امنیتی پوسته‌نی هم باسیب آلگن‌لر. اونینگ ادعا قیلیشیچه، مذکور تومن اوستیگه هجوم اویوشتیرگن چاغده، 28 محلی پولیس اولدیرگن‌لر.
چهاردره تومنی قندوز مرکزی نی 6 کیلومترلیگی‌ده جایلشگن و اوشبو ولایت مرکزی گه اینگ یقین تومن سنله دی.
چهاردره تومنی نینگ کوپینچه یشاوچیسی مرکزگه یقین بولگن لری باعث درس و تعلیم دن اوزاق قالمه ی سوادلی بولگنلر. محل یشاوچیلری نینگ ایتیشیچه، سونگی ناتینچ لیک لر باعث مذکور تومن یشاوچیلری درس و تعلیم دن محروم بولگن.
بو تومن نی مرکزی بغلان، علی آباد تومنی و سمنگان ولایتی گه یولی بار.
