افغانستان جمهور رئیسی محمداشرف غنی، بوگون نیمروز ولایتی گه ییتیشدی و ایران، هند نمایندهلری و نیمروز محلی مسؤوللرینینگ حضوریده، چابهار بندری آرقهلی هندگه جونَتیلهدیگن افغانستان سوداگرلیک توارلرینینگ صادراتی یولینی آچدی.
اوشبو مراسمده چابهار بندری آرقهلی هندنینگ بمبئی شهری گه مملکت بیرینچی صادراتی یوکلمهسی جونَتیلدی.
جمهور رئیس غنینینگ ایتیشیچه، لاجورد یولی و چابهار بندری آچیلیشی بیلن افغانستان منطقه بوییچه تورت یول گه اوزگرگن و چابهار بندری آچیلیشی بیلن افغانستانده ایشلب چیقاریلهدیگن توارلر صادراتینی میزانی بیر میلیارد دالردن ایکی میلیارد دالرگه آشهدی.
اونینگ کوپهیتیریشیچه، ترانزیتی یوللر ایجاد ایتیلگنده، افغانستان وارد قیلووچی بیر مملکتدن صادر قیلووچی بیر مملکت گه اوزگرهدی.
جمهور رئیس نینگ ایتیشیچه، سوداگرلیک یوللر آچیلگنی باعث، ملی درآمدی اوتگن 4 ییلده 90% کوپهیگن و شونچه مدتده، ملی تدارکات ده هم 18 میلیارد افغانی صرفهجویلیک بولگن.
اونینگ نیمروز یشاوچیلری گه ایشانچ بیریشیچه، بو ولایتنی اوچینچی درجه دن ایکینچی درجه گه ارتقا بیرهدی.
شو توغریده…
هند افغانستانگه 31میلیون دالر یاردم قیلهدی
افغانستان و هند آرهسیده ایکینچی هوایی دهلیز آچیلدی
هندوستاننینگ بیرینچی بوغدای یوکی چابهار بندری دن افغانستانگه ییتیشدی
.jpg)
شونینگدیک، اوشبو مراسمده فواید عامه وزیری یما یارینینگ ایتیشیچه، چابهار بندریدن «تیر» سیستمی اساسیده، 570 تُنلیک 23 کانتینر سوداگرلیک توار هندوستاننینگ بمبئی شهری گه انتقال بیریلهدی.
اونگه کوره، حاضر افغانستاننینگ 150 شرکتی چابهارده 13 ایشخانه ایجاد قیلگنلر و اولرنینگ ارزشی 50 میلیون دالرگه ییتیشهدی.
شونینگدیک، هند و ایران ایلچیلری چابهار بندرینی اهمیتی اوستیگه تأکیدلب ایتیشیچه، چابهار بندری آچیلیشی منطقه مملکتلری آرهسیده سوداگرلیک زمینهسینی کوپهیتیرهدی.
چابهار بندری، خلق ارا سوولریگه افغانستان قول تاپیشی اوچون اینگ ارزان و اینگ یقین ترانزیتی یول سنلهدی. چابهار بندری عباس بندری گه نسبتن 90 کیلومتر و کراچی بندری گه نسبتن 700 کیلومتر کابل گه یقین دیر و بو یولدن کیلهدیگن هر بیر کانتینر توارنینگ خرجتی 500 دن 1000 دالرگچه کَم بولهدی.