دې وروستیو کلونو کې تودوخې د قطبونو یخونه کرا کرا یو څه اوبه کړي او له امله یې د سمندري الوتونکیو ژوند په ځانګړي ډول د سمندري مارغه پنګونونو ژوند ګواښلی؛ خو د سویل قطب په دینجر ټاپووزمه کې د ۷۵۰ زرو ادیلي پنګونونو سترې ډلې موندو دغه اندېښنې یو څه راکمې کړي دي.
لېرې پرته دینجر ټاپووزمه پلنو او سترو یخونو کلابنده کړې او دا چاره لامل شوې چې د پنګونونو دومره ستره ډله له سترګو پټه پاتې شي.
اکولوژیست او د ستوني بروک پوهتنون پروفیسور هیدرلېنچ وایي، تراوسه هېڅ فکر نه کېدو چې دینجر ټاپووزمه دې د دغه ډول (ادیلي) پنګونونو استوګن ځای وي.
څېړونکي لېواله دي چې وپوهیږي دغه پنګونونه څه ډول بریالي شوي ژوندي پاتې شي؛ داسې حال کې چې د قطب په نورو برخو کې نابود شوي دي.
په وروستۍ لسیزه کې په شمال او سویل قطبونو کې د یخونو اوبو کېدو له امله د پنګونونو په شمېر کې ۷۰ سلنه کموالی راغلی، خو د دینجر ټاپووزمه بیا له دې حسابه ځانګړې ده.
