.jpg)
پکتیکا محلی مسؤوللری و ولایتی کینگش اعضالریدن بیرقطاری‌نینگ ایتیشیچه، اوشبو ولایتده نیچه کوندن بویان قوراللی طالب‌لرنینگ هجوملری شدت‌لنگن و پکتیکانینگ 5 تومنی جدی امنیتی تهدید آستیده بولگن.
سلام‌وطندارگه صحبت بیرگن پکتیکا پولیس قومندانلیگی سوزلاوچیسی شاه‌محمد آرین‌نینگ ایتیشیچه، قوراللی طالب‌لر گیانی و ومنی تومن‌لریده امنیتی پوسته‌لر اوستیگه گروهی شکلده هجوم قیلگن و نتیجه‌ده 12 جنگری طالب هلاک و باشقه 9 جنگری طالب یره‌لنگن.
عین حالده، آتی سِر قالیشی‌نی ایسته‌گن بیر منبع، اوشبو هجوم‌ده امنیتی کوچلردن 12 ته‌سی و باشقه 13 ته‌سی یره‌لنگنیدن خبر بیره‌دی؛ بیراق پکتیکا پولیس قومندانلیگی سوزلاوچیسی‌نینگ ایتیشیچه، بو هجوم‌ده 4 امنیتی عسکر هلاک و باشقه 6 ته‌سی یره‌لنگن.
.jpg)
سلام‌وطندارگه صحبت بیرگن پکتیکا ولایت کینگشی باشلیغی بختیارگل همت‌نینگ ایتیشیچه، اوشبو ولایتده امنیتی وضعیت خواطرلی دیر و دقت قیلینمه‌گن صورتده، نیچه تومن سقوط قیلیشی ممکن. جناب همت گه کوره، ایکی کوندن بویان گیانی و ومنی تومن‌لریده قتیق آتیشمه دوام ایتماقده و 2 پوسته طالب‌لرنینگ قولی گه توشگن.
عین حالده، پکتیکا یشاوچیلری و مدنی فعاللری‌نینگ ایتیشیچه، مذکور ولایتده امنیتی کوچلرنینگ تشکیلاتیده خیالی پولیس موجودلیگی امنیتی وضعیت یمان بولیشی گه سبب بولگن.
پکتیکا ولایتی‌نینگ 21 تومنی بار و بو ولایت‌نینگ موقعیتی و کینگ‌لیگی‌گه قره‌گنده، اوزاق تومن‌لریدن بیرقطاری امنیتی تهدیدلرگه روپه‌ره بولیب تورگن.
