پکتیکا ولایتی‌نینگ محلی بلند مرتبه‌لی رسمی‌لری، مذکور ولایت گومل ولسوال‌لیگی‌نینگ ایریم منطقه‌لریده قورال‌لی طالب‌لرنینگ مرکزلری افغان ملی هوا کوچلری آرقه‌لی هجوم آستیگه آلینگن و نتیجه‌ده 94طالب نابود ایتیلگن.
پکتیکا پولیس قوماندانی علی‌مست مومندنینگ سلام وطندارگه ایتیشیچه، بیرینچی هوا هجومی اوتگن کیچه گومل ولسوال‌لیگی نینگ «ورسک» منطقه‌سیده عمل‌گه آشیریلیب عاقبت‌ده 47 جنگری طالب هلاک ایتیلگن.
جناب مومندگه کوره، مملکت هوا کوچلری‌نینگ ایکینچی هجومی اوشبو ولسوال‌لیک‌نینگ خورتیل منطقه‌سیده صادر ایتیلیب نتیجه‌ده 35 طالب اولدیریلگن.
مومند، ولسوالیک‌نینگ شهباز قیشلاغی‌ده اوتکزیلگن اوچینچی هجومده 8 عصیانچی طالب اولدیریلگن و شونینگ‌دیک ییریک بیر قورال اسلحه انباری نابود قیلینگن دیگن.
شونینگ‌دیک ولایت پولیس قوماندانی ولایت وازخواه ولسوال‌لیگی‌ده هم جنگری‌لرنینگ تورت کیشی‌سی اولدیریلگن لیگینی تیل‌گه آلگن.
اونینگ ایتیشیچه، افغان ملی کوچلری هوادن اوتکزگن هجومی نتیجه‌سیده طالب‌لر تامانیدن گومل ولسوالی ایتیب تعین لنگن مسیح‌خان هم اولدیریلگن
جناب مومند اوروش‌ده افغان ملی کوچلریگه زیان ییتمه‌گن دیگن.
لیکن قورال‌لی طالب‌لر تامانی هنوزگچه بو توغریده هیچ نرسه دیمه‌گن.
پکتیانینگ 70 کیلو مترلیگی جنوب شرقی‌ده جایلیشگن گومل ولسوال‌لیگی طالب‌لرنینگ اساسی مرکزلریدن حسابلنه‌دی.
