گردیز کسلخانه‌سیده یاتقیزیلگن کسل‌لر یقین‌لری‌نینگ ایتیشیچه، اوشبو شهر مرکزی کسلخانه‌سی اداری ایشچیلری و داکترلری‌نینگ ایش تشله‌شی کسل‌لرنی قیین چیلیک‌که روپه‌ره قیلگن. یاتقیزیلگن کسل‌لر عایله‌لریدن اونلرچه‌سی سلام‌وطندار بیلن علاقه قوریب ایتیشیچه، مرکزی کسلخانه داکترلری بیلن همشیره‌لری کسل‌لرنی تیکشیریش و غم‌خوارلیگی‌دن وازکیچگن.
گردیز کسلخانه داکترلری و اداری ایشچیلری‌نینگ ایتیشیچه، آیلیک حقوقلری تولنمه‌گن باعث، ایش‌تشله‌گن. اولرگه کوره، «هیلت نیت» مؤسسه‌سی بیش آی‌دن بویان حقوقلرینی تولمه‌گن و ناراضیلیک‌لری ایشیتیلمه‌گنی‌دن کیین، ایش‌تشلش‌گه مجبور بولگن‌لر.
اوشبو کسلخانه داکترلریدن بیری خان‌ولی احمدزی‌نینگ سلام‌وطندارگه ایتیشیچه، هیلت نیت مؤسسه‌سی حقوقلرینی توله‌گینچه، داکترلر ایشگه قول اورمه‌یدی. بیراق شکایتچی یشاوچیلرنینگ ایتیشیچه، کسل‌لرینی اوزاق منطقه‌لردن دارولش اوچون مرکز آلیب کیلگن و حاضرگی شرایط‌ده، داکترلرنینگ ایش‌تشله‌شی انصاف‌دن اوزاق دیر.
گردیز ملکی کسلخانه باشلیغی گل‌محمدالدین محمدی‌نینگ ایتیشیچه، هیلت نیت مؤسسه‌سی داکترلر و اداری ایشچیلر ایش‌تشلش‌لرینی یکونلنتیرگن صورتده، اوچ کون ایچیده برچه حقوقلرینی تولش‌گه سوزبیرگن.
پکتیا مرکزی کسلخانه داکترلری‌نینگ ایش‌تشله‌شی شونده‌ی حالده دوام ایته‌دی کیم، شونینگ‌دیک انچه پیت آلدین خوست ولایتی‌ده مرکز کسلخانه داکترلریدن بیرقطاری آگاه‌لنتیریب، هیلت نیت مؤسسه‌سی آلتی آیلیک حقوقلرینی تولمه‌گن صورتده، کلینیک‌لر دروازه‌سینی یاپیشینی ایتکن ایدی.
