پکتیا محلی مسوول‌لری نینگ ایتیش‌لریچه، اوشبو ولایت مرکزی گردیز شهریده بم جایلشتیریلگن بیر موتر عامه‌نی سقلش قطعه‌سی برابریده پارتله‌گن.
پکتیا پولیس قومندانلیگی خوفسیزلیک آمری لطف‌الله کامران نینگ سلام‌وطندارگه ایتیشیچه، طالبان تامانیدن پارتلش ماده جایلشتیریلگن موتر گردیز شهریده جایلشگن عامه‌نی سقلش قطعه‌سینی هجوم آستیگه قرار بیرگن.
اونینگ ایتیشچه، اوشبو واقعه بوگون "سه‌شنبه" ایرته‌دن چاغیده یوز بیرگن.
جناب کامران گه کوره، مذکور هجومده امنیتی کوچلردن 3 ته‌سی هلاک و باشقه 5 ته‌سی یره‌لنگن.
پکتیا امنیتی مسوول‌لری نینگ ایتیش‌لریچه، هجومچی‌لردن ایکی ته‌سی موترنی پارتلتگنیدن سونگ، عامه‌نی سقلش قطعه‌سی نینگ بناسیگه کیرگن. اولرنینگ ایتیش‌لریچه، هجومچی‌لر نیچه دقیقه‌دن سونگ، هلاک ایتیلگن.
طالبان گروهی اوشبو هجوم مسوولیتی‌نی بوینیگه آلیب و مذکور هجومده عامه‌نی سقلش قطعه‌سی اعضالریگه کوپینچه تلفات ییتیشگنی‌نی ادعا قیلگن.
