پکتیا ولایتینینگ بیر قنچه یشاووچیلری، قوم بویوکلری و خاتین – قیزلر افغانستان سابق جمهور رییسی داکترنجیبالله اولدیریلگن لیگی نینگ ییگیرمه ییلیگی مناسبتی بیلن اوتکزیلگن ییغینده؛ او دیورند چیزیغینینینگ قربانی بولدی دیگنلر.
پکتیا ولایت کینگشینینگ کاتبی محمد رحمان قادری، داکتر نجیب بوندن ییگیرمه ییل آلدین ایچکی قوراللی گروهلرنی تینچلیک لایحهسیگه چقیرگن ایدی دیگن. اونینگ سوزلریگه قرهگنده، اوشه زمانده برچه قوراللی گروهلر تینچلیک لایحهسیگه قوشیلگن-ده ایدی، بوگون افغانستان حاضرگی درجهدهگی دیک بحرانگه روپه ره بولمسدی.
ییغینده خاتین – قیزلر نمایندهلیگیده سوزگه چقیب گپیرگن خانیم ماهره احمدزی، داکترنجیب حیاتده تیلگه آلگن گپلری بوگونگه کیلیب عملگه آشیریلهدی دیدی.
افغانستانلیک یاشلردن دشمنلر برنامهسینی بیکار قیلیشنی سورهگن خانم احمدزی، مملکت آبادانلیگی اوچون یاش قتلمدن درست ایش آلینیشی اوستیده تاکیدقیلگن.
افغانستان سابق جمهور رییسی داکتر نجیبالله و ایناغهسی احمدزی بوندن ییگیرمه ییل آلدین (7میزان) ده قوراللی طالبلر آرقهلی قولگه آلینیب، کابلنینگ آریانا چهار راههسیده دارگه تارتیلگن ایدی.
مملکت سابق جمهور رییسی نجیباللهنینگ جسدی پکتیا ولایتی مرکزی گردیز شهریده توپراققه تاپشیریلگن.