پکتیا سوداگرلریدن بیرقطاری، ایش و کوچلری اوچون برق و صنعتی پارکلر اوچون ییر یوقلیگیدن خواطر بیلدیریب ایتیشیچه، اوشبو ایکی موضوع سبب اولرنینگ ایش و کوچلری قیینچیلیککه روپهره بولگن.
اولرنینگ کوپهیتیریشیچه، مملکت اقتصادی رواجلنیشی گه یاردم بیریش اوچون ایشخانهلرینی پاکستاندن افغانستان گه انتقال بیرگنلر؛ بیراق مناسب ییر و برق یوقلیگی باعث، اولرنینگ ایشلری قیینچیلیککه دوچ کیلگن.
پکتیا ولایتینینگ صنعت و سوداگرلیک اتاقی باشلیغی عبدالنصیر عالمیارنینگ ایتیشیچه، کوپینچه ایچکی و چیتایللیک سرمایه یاتقزووچی پکتیاده سرمایه یاتقزیش اوچون تیارگرلیک کورستگن؛ بیراق برق و ییر یوقلیگی و ناتینچلیک باعث، اولر مذکور ولایتده سرمایه یاتقزیش گه قول اورمهگن.
بیراق، پکتیا ولایتیده برشنا باشلیغی محمدآصف نیازینینگ ایتیشیچه، مذکور ولایتنینگ صنعت و سوداگرلیک اتاقی، حاضرگچه سرمایه یاتقزووچیلرگه نیاز بولگن برق مقدارینی بو شرکت بیلن شریک قیلمهگن.
نیازی گه کوره، پکتیاده هر زمان صنعتی پارک فعال بولگنده، اولر برق ییتکزیش اوچون ایش گه کیرهدی.
پکتیا ولایتینینگ صنعتی پارکلری نیچه وقت آلدین، جمهور رئیس غنی مذکور ولایت گه سفر قیلگن چاغیده، آچیلگن ایدی؛ بیراق حاضر اوشبو ولایتده 80 ایشخانه کرایی مکانلرده فعالیت قیلهدی.